دارتراشەك كلتۆر و نوویاتیان تێكەل دكەت
ئەڤرۆ
عەزیز هەورامی:
یوسف جەمال، دارتراشەكێ خەلكێ پارێزگەها هەلەبجەیە، د دیدارەكێ دا بۆ رۆژناما ئەڤرۆ دبێژیت: هەر ژ رۆژا من دەست بڤی كاری كری من بزاڤا كری ل جهێ خوە نەراوەستم و هەردەم نوویاتیان بكەم و ژبلی كارێ رۆژانە ئەز كەرستێن كلتۆری وەكو شەكردان و كۆپ و تەختكێن هیركرنا گوشتی و گەلەك تشتێن دی چێدكەم، ئانكو نوویاتی و كلتۆری تێكەل دكەم.
هەروەسا گۆت: ئەو تشتێ ئەز چێدكەم كو كارێن دەستی نە پتریا وان یێن دەڤەرا هەورامانان و ل سۆشیالێ بەلاڤ دكەم و بكڕ و داخوازكەر ژی هەر ب وێ رێكێ پەیوەندیێ ب مە دكەن و ئەم دفرۆشینێ، من دڤێت بێژم ئەڤ كارە ئانكو كارێن دەستی گەلەك ب زەحمەتن و هەموو كەس نەشێن وی كاری بكەن، چنكو هندەك تشت هەنە جەفتیەكێ هەتا رۆژان ئەم پێڤە دمینن لەورا بهایێ وان نە وەكو یێن وان تشتایە یێ ل كارگەهان چێدكەن و دخوازم حكومەت پشتەڤانیێ ل وان كەسان بكەت یێن دەست رەنگینیێ دكەن.