داهاتێ‌ پرتووكا خۆ دێ‌ كەتە دیاری بۆ زارۆیێن خودان پێدڤیێن تایبەت

داهاتێ‌ پرتووكا خۆ دێ‌ كەتە دیاری بۆ زارۆیێن خودان پێدڤیێن تایبەت

7

زنار تۆڤی:

نارین ئازاد، كچەكا باژێرێ‌ دهۆكێ‌ یە پرتووكەك ب ناڤێ‌ (داون سیندرۆم) چاپكریە، كو دبیتە بەرهەمێ‌ وێ‌ یێ‌ ئێكێ‌ وەكو كارێ‌ نڤێسینێ‌، د دیدارەكێ‌ دا بۆ رۆژناما ئەڤرۆ دیاركر كو پرۆژێ‌ وێ‌ د هەیڤا رەمەزانا پیرۆز دا، كەمپینەكە بۆ دلخۆشكرن و پشتەڤانیكرنا زارۆیێن خۆدان پێدڤیێن تایبەت، كو وێ‌ پرتووكەك چاپكریە و بابەتێن وێ‌ ل سەر زارۆیێن خۆدان پێدڤییێن تایبەتن و داهاتێ‌ وێ‌ پرتووكێ‌ ژی دێ‌ پێشكێشی وان زارۆیان كەت.
ناڤهاتیێ‌ گۆت: هزرا نڤێسینا ڤێ‌ پرتووكێ‌ ڤەدگەریتە هندێ‌، دەمێ‌ ئەز قوتابی من چالاكی دكرن ل گەل زارۆیێن خۆدان پێدڤییێن تایبەت، بۆ وێ‌ گەلەك هزرچێبوون، كانێ‌ چاوا ئەو زارۆیە ژلایێ‌ رۆخساری و مەژی ڤە د جۆدانە ژ زارۆیێن دی، من دەست ب دووڤچوون و كۆمڤەكرنا پێزانینان كر، پشتی هنگێ‌ من دڤیا پشتەڤانیا وان زارۆیان بكەم و پرتووكەكێ‌ ل سەر ژیانا وان چێكەم و پشتەڤانیا وان بكەم، من ڤیایە ژلایێ‌ مادی و مەعنەوی ڤە پشتەڤانیا وان زارۆیان بكەم و داهاتێ‌ پرتووكا خۆ ژی دێ‌ بۆ وان كەمە دیاری.

کۆمێنتا تە