دشەڕێ‌ ئیراق و ئیرانێ‌ دا كوڕێ‌ من (نیبار) ل بەر سنگێ‌...

دشەڕێ‌ ئیراق و ئیرانێ‌ دا كوڕێ‌ من (نیبار) ل بەر سنگێ‌ من شەهید بوو

6

هەرهین محەمەد:

1-3

سارا دۆسكی، كچا شەهید محەمەد حەسەن باجلۆری بۆ رۆژنامەیا ئەڤرۆ دبێژیت: ل سالا 1975 ئەم چووینە ئیرانێ‌ و ل ئەوێرێ‌ ئەز یا مەزن بوویم، و پاشی ئەم ل باژێرێ‌ (تەبەسێ‌ كولشەن) ئاكنجی بووین ، و ئەو باژێرە گەلەك یێ‌ گەرم بۆ یا نەخۆش بۆ، بەلێ‌ مە ژیان دكر بۆ من خۆش بۆ، چونكو ل گەل دایك و بابی خوە بووم پاشی بیلڤەلەرزێ‌ ل وی باژێری دا ئەم چووینە باژێرێ‌ (مەشهەد) و باب و برایێن من هەموویان ل وێرێ‌ كاردكر، و من ژی ل دەرمانگایێ‌ چینچینێ‌ كار دكر، ئدریس بارزانی گۆتە بابی من دڤێت تو بچیە باژێرێ‌ زێوە و ئەم هەموو ژی ل گەل بابێ‌ من چووینە وێرێ‌، مە مالا خوە ل زێوە دانا و ل وێرێ‌ من ل دەرمانگایا زێوە كار دكر، و ئەم ماینە ل ئەوێرێ‌ هەتا سالا 1988 و ل سالا 1983 باژێرێ‌ زێوە هاتە توپبارانكرن، هوینگی من دو زاروك هەبوون كوڕ ناڤێ‌ وی نیبار بۆ كچ ناڤێ‌ وێ‌ ئەڤین بوو، ئەڤین ژ نیباری مەزنتربوو ل دانێ‌ ئێڤاری بۆ سپێدی تەیاران باژێرێ‌ زێوە توپباران كر، بابێ‌ نیباری گۆتە من مێهڤان دێ‌ بۆ مە هێن و حەز دكەم تو بێیە ڤە، و من كوڕێ‌ خوە كرە مللێ‌ خوە و ئەز هاتمە د ناڤبەرا ئوردیگای دا من هندیت جوتەكێ‌ تەیاران هات بابێ‌ نیباری گۆتە من خوە ب هاڤێژنە ئەردی دا چل هەوە نەهێت، من ژی خوە ب سەر كوڕی خوە نیباری دا دا، دا یێ‌ پاراستی بیت و من نەزانە تشتەك ب نافملێت ئەوی كەت بوو خوین ژ دەڤێ‌ ئەوی دهاڤێت، و من نەدزانی دێ‌ ئەڤ چەندە چێبیت، شەڤەكێ‌ بەری وێ‌ رۆژێ‌ بابی نیباری گۆتە من دێ‌ زێوە توپباران كەن، حەز دكەم هوین بچن من ژی گۆتێ‌ ئەز ناچم گۆتە من پا هەكە تشتەك ل زارۆكێن من هات، هوینگێ‌ ئەز تە دنیاسم و ئەم وێ‌ شەڤێ‌ دەمژمێر چاری شەڤێ‌ چووینە مالا باسەكێ‌ و بۆ رۆژ بابێ‌ نیباری هاتە دیڤ من را، ئەو بۆ زێوە هاتە توپبارانكرن ئەوێ‌ رۆژێ‌ فرۆكان گەلەك كوشتن، من وێنێت هەموو یان ژی هەنە و دەمێ‌ نیبار بریندار بووی، و فازل میرانی داهێتە مالا مە و بابێ‌ نیباری گۆت دڤێت ئپراخا بۆ مە چێكەی، و ئەز و نیبار هاتینە مال و من دەست هاڤێتە ئیپراخا و رەحمەتی شرینا دەیكا سەفەری گۆتە من كورێ‌ تە گەلەك یێ‌ دنالیت من ژی گۆتێ‌ تو ب خودێ‌ ژ من ڤە بە خالەت ئەزا خوارنێ‌ چێدكەم و پشتی ئەز چوویمە دتانا نیباری هندی كوخی بوو خۆین گەلەك ژدەڤی هاتبوو بەرسنگێ‌ وی هەموو ببو خوین و هەتا نوكە ژی وێنیت برینداربوونا وی لنك من ماینە و من پیچەكێ‌ پاقژكر و دیسا هاتم من خوارن چێكر و ئەوێ‌ شەڤێ‌ خالێ‌ من فەیسەل ژی ل مالا مەبوو من كرە هەوار ژبەر نیباری پاشان بابێ‌ وی هات گۆت شەرمە نەكە گری مە مێهڤان یێت هەین و ئەویژی هەر دكرە گری و پشتی نیباری وەغەركری و بری شویشتی شرینا مام حەمیدی گۆتە ما تە نەزانی چ ب كورێ‌ تە كەتیە و هوینگێ‌ ئەز یا گەنج بووم من هاش خوە نەبوو نیبار دایك بوویێ‌ سالا 1982 بۆ ژ كچامن ئەڤینێ‌ بچویكتربوو و پشتی كچامن مەزن بووی و هەڤژینی پێك ئینای خۆدێ‌ زارۆكەك دایێ‌ و ناڤێ‌ ئەوی كریە نیبار و ئەز گەلەك حەزژێدكەم وەكو نیبارێ‌ دی و گەلەك جارا دبێژمێ‌ تو كورێ‌ منی، بەلێ‌ نیبارێ‌ من گەلەكێ‌ جوان بوو و گەلەكێ‌ سپی بۆ و دەمێ‌ من جلكێن سپی دكرنە بەر مرۆڤی لەشێ‌ وی و جلكێن سپی ژێك جودا نەدكرن هندی هند یێ‌ سپی بۆ سوپاس بۆ خۆدێ‌ پشتی ئەوی خۆدێ‌ سێ‌ كورێن دی داینە من كوڤان و دلوڤان و ئالان، بەلێ‌ جەگەرە چو جاران ژبیرا من ناچیت و گەلەك جارا دمینمە بتنێ‌ بێریا ئەوی دكەم و دكەمە گری.

کۆمێنتا تە