دواناوەندی یا برایەتی هێلینا ئاڤاكرنا شۆرەشگێرا بـوو
دیدار، سالار محەمەد دۆسكی:
5-5
ئەو ژی سەركەفتم بۆ چیایێ ئێمینكێ بۆ بریفكا و هەتا سێ رۆژا گەهشتمە مەفرەزا (خالد بانی) و كاك سەربەست ل گەل نێزیكی 30 هەتا 40 قوتابیێن برایەتی هەمی گەهشتنە دەڤەرا دۆسكی یا و هەمی ئێك رێكخستی بوون و چەند هەڤالێن من ژی دووڤ من دا هاتن و قوتابخانا بۆ فەوزا و ئەمنێ شنی زانی ئەف چالاكی و لڤینە هەر ژ قوتابخانا مە دروست بوون و بابێ من هاتە دەستەسەركرن و بابێ من گۆت چ ژێ نوزانم و من شنی زانی و ئەم گەهشتینە شۆرەشێ بووینە پێشمەرگە و ئەم چووینە كوماتە و دەڤ د.جەرگیس و چەند رۆژا ماین و سنورێ توركیا بەفرا دهێتە خوار و هەر دو ئالیان رەبیەنە ئەم 18 رۆژا ب رێكێن نهێنی چووینە ئیرانێ و دەسپێكێ گەهشتینە گوندەكی دگۆتنێ(درێ) و سپێدێ ئەم ئیناینە مالا سەرۆكی و مالا وی سلێڤانا و چووینە كوچكا وی و ئەم هەمی قوتابی بووین و ئەم 57 قوتابی بووین و سەربەست و جەمیل و عادل ئەڤە مانە لقێ ئێك و ئەم ئەڤێن دی هەمی چووین و سەرۆك و ئدریس هات بوومە ئاخفت و گۆت دلخوش نینم هەوە قوتابخانە هێلای من ڤیا هەوە قوتابخانە ب دووماهی ئینابا دا مللەت مفایەكێ مەزن ژ هەوە كەت و هەر چەوا بیت هوون گەلەك بخێرهاتن و هەڤالێن مە ئەڤێن خودان مرۆڤ هەر ئێك گەهشتە مرۆڤێن خوە ل ئیرانێ و ئەڤێن بێ مرۆڤ، رۆژەكێ فازل میرانی هات گۆت هەرنە لقێ چار وەك لەشكرەكێ ئەكادیمی و خودان بیروباوەر ئەز و قادرقاچاخ، مقداد، غفار، د.محەمەد، ئەم نێزیكی بیست قوتابیان بووین و ئەم 24 دەمژمێرا چووین وهەتا گەهشتینە كرماشان و چووینە قەسر شرین پشتا مەندەلی وی بەرپرسێ لقێ مولازم یونس بوو و دووف دا بۆ ئازاد بەرواری و ئەم ماینە ل گەل و چەند جاران هەڤالێن مە پشكداری شەران بوون و مە لقێ چار ل گەل مولازم یونس چەك هەلگرت و ئەم ب دروستی بووینە پێشمەرگە وی دەمی دیموكراتا ئیرانێ و كومەلێ گەلەك حەش مە نەدكر و جارەكێ 10 ژ پێشمەرگێ مە شەهیدكرن و هەتا ڤێرە دەنگ و باسێن دایك و بابێن خوە نوزانم و كەمەلێ ئەلفام رێكا مەدا ڤەدان و دووڤ هاتینە ڤەگوهاستن بۆ راژان و بارەگا بوومە ڤەكرن و شەرێ ئیراق و ئیرانێ دەست پێكر و كاودان خوش بوون و زێدەتر خەلكی پەیوەندی ب شۆرەشێ كر و هەمی هەڤالێن مە هاتنە سنورێ لقێ ئێك و ئەم شەش ماین و مە گۆت ئەم ناچین و چووینە دەورا كادرا و مە ب دووماهی ئینا و هاتمە ڤەگوهاستن بۆ لقێ دوو وی دەمی مەلا محەمەد مەلا قادر بەرپرسێ لقێ بوو و سالەكێ مام و دووڤ دا هاتمە مەكتەب سیاسی و نێزیكی 400 گەنجا ژ ئیراقێ هاتن بوونە پێشمەرگە وی دەمی ژ عەسكەریێ رەڤی بوون و هێزەكا نوی هاتە دروستكرن… هەتا سالا 1983 ل گەل هێزا بابەبكەر زێباری هاتمە دەڤەرێ و دووڤ دا هاتمە لقێ ئێك و لژنا شێخان هەتا ئەنفالان دووڤ دا چوومە لژنا مەركەزی و سالا 1983 من ژیانا هەڤژینێ پێك ئینا و هاتن و چوون من كر و هەتا ئەنفالا دەسپێكرن و ئەم ئاسێ بووین ل چیایی و ئەم ماین هەتا لێبورین هاتیە دەركرن وی دەمی و ب شەڤ چەند گوندا چووم و من هشیاركرن و بەرێ وی خەلكی مە دا سنوران و نیڤرۆ گەهشتمە مال و هەتا مە باركری حوكمەتێ ریێ شوون گرت و جادە گرت و ئەم هەمی ماینە دناڤ دا و پتر 10 هزار خێزان دناڤا گەلیەكی دا ماین و هەر هەمیان دكرە گری و لەشكر نێزیكی مە بوو و دەردورێن مە گرتن و بتنێ مە ئەسمان دیت و خەلكی چ رێك نەبوون و دو بووچوون هەبوون، هندەكا دگۆت بلا ژن و زارۆك بچن خوە رادەستی حوكمەتێ بكەن و بلا زەلام بمینن، بۆچوونەكێ ژی دگۆت ئەم هەمی دێ مینین بلا ئەم هەمی ل گەلی دا بمرین ژین و مرن پێكڤە، چەتا گۆتن خوە رادەست نەكن و هەر كەسەكێ خوە رادەست كر لەشكرێ ئیراقێ ناهێلیتە ساخ هەما ل جهێ خوە بزڤرن و هەرن و نێزیكی 11 رۆژا ئەم ماینە ل ئەوان دول و نەهالا و نە خوارن و نەڤەخوارن و ترس و برس و خەلكی نساخێن دەستی دا و خوارن ژی ئێدی نەمان و هەت سەرۆكێ ئیراقێ لێبورین دەركری و ئێڤارەكا درەنگ بوو و كەسەك ل گەل مە هەبوو دگۆتنێ (محەمەد ئامێدی) و پێشتر پولیس بوو و دەست نڤێسەكێ باش بوو و رابوو نامەك بۆ سەركردەكێ لەشكری نڤێسی و نام گەهشتە لەشكری و چەوا نامە گەهشتێ شنی لەشكری جهێ مەزانی و ئێڤاری فرۆكە هاتنە هنداف سەرێ مە و گۆت هەتا دەمژمێر 12 سباهی دەلیڤە بۆ هەوە دڤێت هوون خوە رادەستی لەشكری بكەن و ئەڤە بەرسڤا نامێ بوو بوومە هات بوو و هێشتا لێبورین نەهاتبوو دان ژلایێ سەرۆك كومارێ ئیراقێ ڤە و سێ زارۆك من هەبوون و هەرسێكا شیر خوار و زارۆیەكێ من هوسا دیاربوو وەغەركریە و بەرەف لەشكری چوون كو ئەڤە مریە دێ ڤەشێرن و دایكا وی دگۆت بەرەف ئاڤەكێ چووم دا هندەك ئاڤێ ناڤ چاڤا بكەم سەحكمێ رح هاتیێ و یێ ساخە و مرۆڤ هەمی لێ كۆمبوون و دەمێ گەهشتینە نێزیك لەشكری هەمی عاجزن وی دەمی دیت ئەفسەرەك هات و رادیوك د دەستی دا و گۆتە مامێ من سەرۆكی صەدام حسێن لێبورین بۆ هەوە دەركر و بەری دەمژمێر 12ی نیڤرۆ بوو و ئێكسەر لەشكری ئیراقێ رەمی كر و هەمان دەم پێشمەرگەی ژی دناڤا ئەوان خێزانان دا رەمی كر ژ كەیفان دا و هەر دوكان فیشەك نەهێلان و لەشكرێ ئیراقێ ژی نەدڤیا ئەڤە هەمی بهێنە گرتن وی دەمی ئەم رەڤی بووین و ئەم ل بەرێ گارەی بووین و خێزانا من و مرۆڤێن خوە ل باكرمان بوون و چوونە بەحركێ و هەتا سەرهلدانێ ئەم هاتینە دهۆكێ دا و رێكخستنا دووبارە دەست بكارێ خوە كر و مەفرەزێن خوە دروستكرن و ئەەم چەند جاران چووینە چیایی دەف (خالد بانی) و مە مەفرەزێن خوە دروستكرن و دووماهی كومبوون و مە بەرنامێ خوە دانا ل بنێ چیایی و 13/3 ئەم هاتینە ناڤ دهۆكێ و چووینە جهێ زالگەها ئێتیتی و (خالد بانی) دێ ب شەڤ هێتە وێرێ و دێ جارەكا دی پێكڤەچین دهۆكێ و هەر هەمی پێشمەرگێن زیرەك و شارەزا بوون وشەڤا بوویە سەرهلدان سپێدێ (خالد بانی) ئەو هاتنە ناڤ دهۆكێ.
هەمان پێشمەرگەیێ گولانێ ئەو ژی گۆت: پشتی سەرهلدانێ ل سالا 1991 بوومە بەرپرسێ رێكخستنێ ل مەكتەبا كەلەكچی و هاتمە مەكتەبا رێكخراوێن جەماوەری، دووڤ بوومە ئەندامێ لژنا محلی ل ئاكرێ ،سالا 1993 بوومە ئەندامێ لژنا محلی ل برایەتی هەتا 1999ێ، ل سالا 2000 جارەكا دی ڤەگەریامە ناڤ رێزێن لەشكری ڤە بوومە ئەندامێ سوپایێ ئێك بەرپرسێ رێكخستنێ، دووڤ دا بوومە ئەندامێ فەرماندا ژینگەهێ و هەتا نوكە بەردەوام ب پلا لیوا و جێگرێ فەرماندا ژینگەها كوردستانێ.
ل دووماهیێ ناڤبری گۆت: ئازادی و تەناهی یا ئەڤرۆ بەرهەمێ خوینا ب سەدان پێشمەرگەی و خەلكێ كوردستانێ یە و گەلەك ماندیبوون ڤی خەلكی دیتی یە و خەبات وی دەمی ب تڤەنگێ بوو و نوكە خەبات ب زانستی یە و گرنگە مێژوویا مللەتێ خوە بزانن وەلاتێ خوە ل سەر بنیاتێ زانستی ئاڤا بكەن و مللەتێ خوە ب پارێزین چونكە پلانێن دوژمنی نوكە گەلەك مەزنترن ژ جاران و دوژمنێ مە ژ هەمی روویەكی ڤە یێ بزاڤا دكەت ئەڤ قەوارێ سیاسی جارەكا دی ژناڤ ببەن و ب هەر رێكەكا هەبیت و گرنگە ب زانست و گیانێ خوە مللەت و وەلاتێ خوە ب پارێزین.
