دو زاخۆییان رێزا پێنجێ‌ ب دەستخوەڤە ئینان

دو زاخۆییان رێزا پێنجێ‌ ب دەستخوەڤە ئینان

3

عەلی حاجی:

د داخویانیەكێ‌ دا سەرپەرشتێ‌ تیمێن تایكواندۆیێ‌ ل باژێرێ‌ زاخۆ دیار كر د قارەمانییا وەلاتێن عەرەبی دا ل ئیماراتێ‌ دو یاریزانێن یانەیا زاخۆ شیان رێزێن پێنجێ‌ ل سەر ئاستێ‌ قارەمانیێ‌ ب دەستخوەڤە بینن و قارەمانی د ئاستەكێ‌ گەلەكێ‌ ب هێز دا بوو .
زێدەتر غەزوان ئەحمەد گۆت: تیما تایكواندۆیا یانەیا زاخۆ ل دەستپێكا ڤێ‌ مەهێ‌ یا ئەڤ سالە پشكداری د قارەمانییا وەلاتێن عەرەبی دا كرن ئەوا ل وەلاتێ‌ ئیمارات هاتیە ئەنجامدان كو ئەوا رێژەیەكا زێدە یا یانەیێن عەرەبی پشكداری تێدا كری و زاخۆ ل سەر ئاستێ‌ لاو و پێشكەڤتیان هەڤڕكی بۆ رێزێن پێشیێ‌ دكر و پشتی هەڤركیەكا دژوار د قارەمانیێ‌ دا یاریزان سیهاد عەبدولسەلام د كێشەیا 45 كێلو گرامی دا ل سەر ئاستێ‌ لاوان شیا رێزا پێنجێ‌ ب دەستخوەڤە بینت و یاریزان فەتحی عادل د كێشەیا 48 كێلوگرامی دا ل سەر ئاستێ‌ پێشكەڤتیان ریزا پێنجێ‌ د قارەمانیێ‌ دا ب دەستخوەڤە ئینا، قارەمانی ب شێوەیەكێ‌ گشتی گەلەك یا ب هێز بوو و یاریزانێن مە شیان ئاستەكێ‌ گەلەك باش پێشكێش بكەن و ب جوداهییا چەند خالەكێن كێم تووشی خوسارەتیێ‌ د بوون و پشكدارییەكا باش بوو بۆ یاریزانێن مە و د قارەمانیێن بهێت دا دێ‌ شێن ئەنجامێن باشتر ب دەست خوەڤە بینن .
زێدەتر ناڤبری گۆت ژی: د وێ‌ قارەمانیێ‌ دا هەمی یانەیێن عەرەبی پشكدار بوون و یاریزانێن مە شیان سەركەڤتنێ‌ ل سەر یاریزانێن عەرەبی تومار بكەن و ئەو قارەمانی د ئاستەكێ‌ گەلەك باش بوو ژبەر كو یاریزانێن هەلبژارتیان پشكداری د وێ‌ قارەمانیێ‌ دا كربون و ئەو قارەمانی ژی ژ ئاستێ‌ تینا مە ب هێز تر بوو بەلێ‌ هەتا رادەیەكێ‌ ژی ئەنجامێن مە د باش بون .

کۆمێنتا تە