دیار نێروەیی: یانەیا تەناهی چاڤەڕێ بەرسڤەكێ یە
شاهۆ فەرید:
د داخویانیەكێ دا دیار نێرەویی ئەندامێ كارگێریا یانەیا تەناهی بۆ رۆژنامەیا ئەڤرۆ دیاركر: هەتا نوكە ئەو نڤیسارا مە پێشكێشی پارێزگارێ دهۆكێ د. عەلی تتر كری بەرسڤامە نەهاتیەدان و چاڤەڕێ نە.
زێدەتر ناڤهاتی گۆت: دەما بانگەشەیا هەلبژارتنان جەنابێ فەرماندە مەنسور بارزانی كۆژمەیێ سیه ملیون دینارا بمە پەخشین و ئەم شیاین چەندین كێشەیێن مووچەی و پێدڤیێن وەرزێ نوو پەیدابكەین، ژبەر نەبوونا پالپشتیا خوە بزانین كادێ هاریكاریا مە هێتەكرن مە درەنگ دەست بەرهەڤیان كر چونكۆ مە چ ژخوە نەدزانی، بریكا چەند پەیوەندییان داخواز پارێزگاری كریە هاریكاریا مە بكەت، یاریزانێن مەیێن باشێن وەرزێ بوری ماینە ل گەل دو پێشكاران ئێكێ ئیرانی و ئەرەبە، ئارمانجامە بگەهینە پلەیا نایاب.
دیار نێروەی گۆت: وەرزێ بوری ئەم نێزیكی دەربازبوونێ بووین لێ ژبەر كێشەیێن دارایی ماناخوە پاراست، هەرچەندە بۆ وەرزێ نوو كۆمەكا كێشا هاتینە چارەسەكرن، سوپاسیا ئێكەتیا لاوان ل تەناهیێ و كولیژا پەروەردەیا وەرزشی ل زانكویا دهۆك دكەین بەردەوام پشتەڤانێن مەنە، هەرچەندە مخابن مە ئەرد هەبیت و یاریگەهـ نەبیت. ئەڤە ماوەیێ چەند مەهە مە كێشا زەڤیا یاریگەهێ لسەر چێكەن چارەسەركریە، مە نڤیسارێن تایبەت بۆ نڤیسینگەها رێكخستنا پارتی دیموكراتی كوردستان دهوكێ و نڤیسینگەها سەروك وەزیران فرێكرینە چاڤەرێ بەرسڤاینە كۆژمێ بۆ مە بهێتە مەزاختن، ئەم بەرڤ ناحیەڤە بوونێ دچین و هێشتا مە یاریگەهەك نەبیت گەنج و لاوێن مە مفای ژێ وەربگرن، هیڤیدارین بۆ مە ڤێ كێشەیێ چارەسەربكەن، داخوازێ ژ كارگێریا پارێزگەهێ دكەین پشتەڤانیا مە بكەن د ماوەیێ خولێ دا بشێن مووچە و پێدڤیێن خوە ئامادەبكەین وەكو وەرزێ بوری هەڤركێ ژ دەست نەدین.
