دیزاینەرێ سەركەفتی دڤێت بسپۆریەكا باش هەبیت
بێوار حەمدی:
دیزاینەر ( رەهوان ئیسلام) بەرنیاس ب (رەهوان پیرۆمەری) د دیدارەكێ دا بۆ رۆژناما ئەڤرۆ گۆت: ئەز دەرچۆیێ پشكا شێوەكاری مە و دیزایین ژی بەشەكە ژڤی هونەری، لەورا ئەڤە ژ سالا (2000) وەرە ئەز ڤی كاری دكەم و من كارێ دیزاینێ بۆ گەلەك دەزگەهێن حكومی و بازرگانی كریە، نوكە من كۆمپانیەكا دیزاینێ ب ناڤێ (هۆزاك گرۆپ) هەیە و یێ بەردەوامم.
زێدەتر گۆت: ب دیتنا من دیزاینەرێ سەركەفتی دڤێن بسپۆریەكا باش هەبیت، یان هەكە نەبیت ژی دڤێت بەردەوام دوفچوونێ ل سەر بكەت و خوە ب وەستینیت، هەروەسا هەردەم یێ چاڤ ڤەكری بیت بۆ دیزاینێن نوو، دەربارەی ئاستێ دیزاینێ ژی ل دووف جۆرێ دیزاینێ دمینیت، هندەك جۆران بۆ مرۆڤی داهاتەكێ باش ژێ دهێت و هندەكان ژی یێ كێم، بەلێ هەر نە ل وی ئاستی یە كو بێژین داهاتەكێ بەركەفتیە.