دەرسۆكا (عەمەری) ب هەموو مالێ دونیایێ نافرۆشیت
شاكر ئەتروشی:
ئەو دەرسۆكا ل سەر ملێن (سەلام زێوەیی) یا برایێ وی (عەمەری) یە، یێ كو بەری (36) سالان ل هەوا ئەنفالێن دەڤەرا بەهدینان ل گەل باب و برایێن خوە كەفتیە د دەستێن رەشەكێن رژێمێ دا و هەتا نوكە چارەنڤیسێ و ب هزاران خەلكەكێ دی یێ بێ گونەه نەیێ دیارە و ژباب و برا بتنێ ئەڤ دەرسۆكە بۆ سەلامی مایە و ئەو دبێژیت: هەكە مالێ دونیایێ هەموویێ بدەنە من ئەز ڤێ دەرسۆكێ نافرۆشم، چنكو بێهنا برایێ من ژێ دهێت.
سەلامی گۆت: دەمێ ل سالا 1988 ئەم ئیناینە كەلها نزاركێ، ل وێرێ تووشی گەلەك ئازار و قوتان و ئەشكەنجەدانێ بووین، رۆژەكێ ترۆمبێلێن سوپایێ عیراقێ هاتنە دناڤ گۆڕەپانا كەلهێ دا و رەشەكێن وان ب زۆری و قوتان زەلام كرنە د وان ترۆمبێلان دا، كو باب و دو برایێن من ژی ل گەل دابوون، دەمێ برایێ من (عەمەر) كریە د ترۆمبێلێ دا دەرسۆكا وی ژ سەری كەفتە ناڤ تۆز و ئاخێ و دایكا من (ئامینا زێوەیی) كو نێزیكی وی بوو خوە گەهاندنە وێ دەرسۆكێ و دپشتا خوە ئالاندن هەتا ئەم برینە سەربازگەها سەلامیێ، دووڤدا بەحركێ، هەر ئەو دەرسۆك پاراست و ئەڤە (34) سالا بوون ل مالا خوە پاراست بوو، هەتا بەری دو سالان ژنوو نیشا من دا و گۆت ژیێ من یێ مەزن بووی پشتی دمرم ئەڤ دەرسۆكە دێ ئەمانەتی تە بیت و هەكە خودێ نەكەت ئاگر ژی بەر بوو مالاتە ب تنێ دێ ڤێ دەرسۆكێ خلاسكەی و نوكە دەرسۆك ل مالا من یا یاراستیە و هەكە مالێ دونیایێ هەموو یێ بدەنە من ئەز نافرۆشم.
