دەرمانخانەیەك ل زاخۆ هاتە سزادان

دەرمانخانەیەك ل زاخۆ هاتە سزادان

5

زاخۆ، عەلی حاجی:

رێڤەبەرێ كارگێری ل دەڤەرداریا ناڤەندیا زاخۆ بۆ رۆژنامەیا ئەڤرۆ دیار كر، دەرمانخایەك هاتە دائێخستن، ژ بەركو كارتۆنێن دەرمانان د گوهۆڕین و ئەو دەرمان ل دووڤ مێژوویەكا نوو د فرۆتنە وەلاتیان.
وەلات هەجەر رێڤەبەرێ كارگێری ل دەڤەرداریا ناڤەندیا زاخۆ گۆت: «لژنا ساخلەمیێ یا سەر ب دەڤەرداریا ناڤەندیا زاخۆ ڤە، دەرمانخانەیەك بۆ ماوێ سێ رۆژان دائێخست و ب گوژمێ دو ملیۆن و 500 هەزار دیناران ژی سزادان، ژ بەركو ئەو دەرمانخانە ب سەختەكاریەكێ رابوویە و دەستكاری د مێژوویا دەم ب سەرڤەچوونێ‌ یا دەرمانان دا دكر و كارتۆنێن وان دەرمانێن ئێكسپایەر ب كارتۆنێن مێژوویەكا نووو د گۆهارتن و دفرۆتنە وەلاتیان».
ناڤبری گۆتژی: «لژنێن وان یێن ساخلەمیێ بەردەوام دوووڤچوونا هەمی جهێن ساخلەمیێ دكەن و هەر جهەكێ سەرپێچیێ ژی بكەت پێرابوونێن یاسایی بەرامبەر دهێنە كرن».

کۆمێنتا تە