دەستەكا دەمكی بۆ فیدراسیؤنا ئێكەتیا نڤێسەرێن كورد ل ئەمریكا باكور هات راگەهاندن
ئارام دهۆكی – كەنەدا
پێ د چە كو بیرۆكا دامەزراندنا بنگەهەكی ئیكگرتان كوردان ب تایبەت یا هونەرمەند و نڤێسەڤان بزڤرەڤە بۆ دەمێن درێژ ب تایبەتی ل سالێن نۆەتا كو كوردان برەنگەك كۆمەكی قەستا وەلاتێن دەرڤە كربە نەمازە ئەمریكا و كەنەدا. هەلبەت ب بەلگە و دوكومونت ئەڤ هەولدانە دبیت پتر ژ باژێرەكی هاتبیت كرن لێ یا كو ئەز ئاگادار و جهێ ئەز لێ ڤەدگەرێ بۆ سالێن نیڤا نۆتان كو ل باژێری ئوتاوە – كەنەدا ئەڤ هەول هاتدان و هەتا كو لوگوو ژی هات دروستكرن و بلاڤ بوو د رۆژ نوێ دا كو وی دەمی بدەستێن چەند نڤێسەرێن دلسۆز دەردكەت. لێ ژ بەر چەندین ئەگەرێن ناڤخۆی و دەرەكی ئەڤ هەولە سەرنەگرتن كو رۆناهیێ ببینە.
ل رۆژێن ئەڤرۆ كو زەمینە هەتا رادەیەكی باشتر ساز بوویە، ئەڤ هەستە پتر یا جهێ خۆ دگریت كو ئەو ژی دزڤریتەڤە بۆ چەندین ئەگەرا بۆ نموونە. پێشكەفتنا تەكنولوژیایی، زێدەبوونا رەڤەندا كوردان لدەرڤە ژ وانا ژی زێدەبوونا نڤێسەر و رۆشنبیر و هونەرمەندا، د گەل خۆ كرنە خودانا هێزێن سیاسی بێ جداهی ل ڤی بیرۆكێ بەلكی هنەك كێم یان زێدە لێ هەر بزاڤەكا كوردی د گەل دامەزراندنا سازیین كوردان نەمازە یێن پیشەیی و بازرگانی و …هتد. لەوان د گەل و ئاڤابوونا كونفرانسا دیاسپورا كوردی ئێكسەر تەخا نڤێسەر ڤیا هەر چ زوو دەست بڤی كارێ گرنگ بكەت. ئەوبوو ل 26/12/2023 بانگا ئاڤابوونا لقا نڤێسەرین ئەورپا هاتكرن و نووكە ژی ل 28/01/2024 بدلخۆشیڤە بانگا دامەزراندنا كومیتەیا دەمكی یا فیدراسونا ئێكەتیا نڤێسەرێن كورد ل ئەمریكا باكوور كە دكە (ئەمریكا و كەنەدا) هات راگەهاندن.
هەلبەت تەنێ ل كومبوونا دووێ كووما برادەرین لهەڤ كوومبین شیان بێ دوو دلی چەندین كەسان دەستنیشان كەن بۆ رێكخستنا كار و بارێن هەلبژارتنا گشتی كو د بیت ل سالا بێت ئەنجامدان یان زووتر. ئەڤ بریار و هەلبژارتنە هاتن ئەنجامدان ب مێڤانداریا كاك ( سردار جاف و صدیق) كو سەرپرشتیا ئێكەتیا نڤێسەرێن ئەۆرپا دكەن. بۆ زانین ئەو هەڤالێن هاتین هەلبژارتن بڤی رەنگێ خوارێنە وەكو ناڤ و بەرپرسیارەتی.
١. غازی حسن – سكرتێر ٢. د. محموود عباس – جێگرێ سكرتێری. ٣. هشیار جاف – ریكخستن. ٤. ئارام دهۆكی و مەحموود سیامەنسور – راگەهاندن. ٥ . مەمەت كوجك – دارای ٦ . پەیوەندی – عەبدولا كاكە رەش
تێبینی وەكو مە ل پێشیی دیاركری ئەڤ دەستەكە یا دەمكیە (موقت) ە هەتا كو هەلبژارتنێت گشتی دهێن كرن.
