دەنگێ تە نینە دیارییا سەرێ سالێ یە
شاكر ئەتروشی:
ب هەلكەفتا هاتنا سالا نوو 2026 سترانبێژ (فەیسەل شاقۆلی) كلیپەكا نوو ب ناڤێ (دەنگێ تە نینە) بەلاڤكر و دا دیاركرن كو ئەڤە دیارییا وی یا سەرێ سالێ یە بۆ وان كەسان یێن گوهداریا سترانێن وی دكەن، هەروەسا هەر نوكە یێ بەرهەڤیان بۆ تۆماركرنا سترانەكا دی كەت.
ناڤهاتی، بۆ رۆژنامەیا ئەڤرۆ گۆت: سترانا من یا نوو ژ پەیڤ و ئاواز یێن منن، ل ویلایەتا ئەریزۆنا ل ئەمریكا هاتیە كلیپكرن و ئەڤە دبیتە كلیپا من یا (18) یە و پشتی ڤێ سترانەكا ئەڤینیێ ب ناڤێ (پۆرا تە) دڕێ دایە ب ستایلەكێ نوو دێ وێ ژی تۆماركەم، بۆ زانین تۆماركرنا سترانان یان چێكرنا كلیپان ل ئەمریكا گەلەك یا ب زەحمەت و گرانە، چنكو هندەك جاران هەیڤەكێ یان پتر دێ مینیە ل هیڤیا ستودیۆیەكێ هەتا تۆماردكەی، هەروەسا پارەیەیەكێ زۆر پێ دڤێت، نە وەكو ل كوردستانێ یە كو ب ساناهیتر و ئەرزان تر دێ تۆماركەی.
فەیسەل، خەلكێ گوندێ سیباشێخدرە سەر ب قەزا شنگالێ ڤە یە، ژ 2012 وەرە ل ویلایەتا ئەریزۆنا ل وەلاتێ ئەمریكا دژیت.
