دەڤەرا شنگالێ دەولەمەندە ب هونەری و فولكلۆری
هەرهین محەمەد:
سەرمەد ئیسماعیل، ئەندامێ تیپا شنگال یا هونەرێ مللی، د دیدارەكێ دا بۆ رۆژناما ئەڤرۆ گۆت: تیپا مە ل سالا 1981 هاتیە دامەزراندن و ژ بیست و چار ئەندامان پێك دهێت، دوازدە كوڕ و دەه كچن، ل گەل بووك و زاڤا و ل گەل بەرپرسێ تیپێ و مە شەش جۆرێن سەمایێ هەنە و ل گەل چەند تابلۆیان و دەڤەرا شنگالێ گەلەك یا دەولەمەندە ب هونەری و فولكلۆری وەكو سەما و ستران و دیلان و چیرۆك و سەرهاتی و لاوك و گەلەك جۆرێن سەمایێ دبەرێ دا هەبوون و بەرزەببوون نوكە ئەم وان سەمایان دكەین و مە كرینە تابلۆژی.
هەروەسا گۆت: بەری هەیامەكێ فەستیڤالا سەمایێ هاتبوو گێران و ئەم وەكو تیپا شنگال تێدا پشكدارببووین و ب راستی ب گێڕانا ڤان فەستیڤالا مە گەلەك مفا ژ هزرو بیرێن ئێك و دو دیت و مە تابلۆێن ئێك و دو دیتن گەلەك سەرسۆرمان بووین ب كلتورێ ئێك و دو ژلایێ جلو بەرگان و سەمایێ ڤە.
