د رۆژێن جه‌ژنێ دا 142 زارۆ ل دهۆكێ‌ ژ دایك بووینه‌

د رۆژێن جه‌ژنێ دا 142 زارۆ ل دهۆكێ‌ ژ دایك بووینه‌

10

ئه‌ڤرۆ:

به‌رپرسێ راگه‌هاندنێ ل رێڤه‌به‌ریا گشتی یا ساخله‌میا پارێزگه‌ها دهۆكێ دیار كر، د رۆژێن جه‌ژنا قوربانێ دا شه‌ش هزار و 784 نه‌خۆشان سه‌ره‌دانا ده‌زگه‌هێن ساخله‌میێ كرینه‌ و 142 زارۆك ژ دایكبووینه‌ و37 نشته‌رگه‌ری بۆ نه‌خۆشان هاتینه‌ كرن و 16 كه‌سان ژی ژ ئه‌گه‌رێن نه‌خۆشیێن جۆراوجۆر گیانێ خوه‌ ژ ده‌ست دایه‌.

حه‌مزه‌ ره‌زیكی، به‌رپرسێ راگه‌هاندنێ ل رێڤه‌به‌ریا گشتی یا ساخله‌میا پارێزگه‌ها دهۆكێ د كۆنگره‌كێ رۆژنامه‌ڤانی دا گۆت: “د رۆژێن جه‌ژنا قوربانێ‌ دا، شه‌ش هزار و 784 نه‌خۆشان سه‌ره‌دانا ده‌زگه‌هێن ساخله‌میێ كریه‌ و 539 نه‌خۆش ل نه‌خۆشخانه‌یان هاتینه‌ نڤاندن ب مه‌ره‌ما وه‌رگرتنا چاره‌سه‌ریێ، دیسا 18 جهـ ژ به‌ر پێگیری نه‌كرن ب رێنمایێن ساخله‌میێ یێن هاتینه‌ سزادان، ژ وانا ژی شه‌ش جهـ هاتینه‌ دائێسختن و 12 جهـ هاتینه‌ سزادان و 150 كیلۆیێن چكلێت و چه‌ره‌زێن ئێكسپایه‌ر هاتینه‌ گرتن، دیسا 19 روودانێن ب شه‌ڕچوونێ ل دهۆكێ یێن هاتینه‌ تۆماركرن و 39 كه‌س ژ بلنداهیان یێن كه‌تینه‌ خوارێ ل نه‌خۆشخانه‌یان چاره‌سه‌ری وه‌رگرتینه‌ و 25 حاله‌تێن سۆتنێ هاتینه‌ تۆماركرن ئێك ژی ل نه‌خۆشخانێ هاتیه‌ نڤاندن بۆ چاره‌سه‌ركرنێ”.

ئاشكرا ژی كر، ئه‌ڤ ساله‌ 13 حاله‌تێن پێڤه‌دانا دووشكان، دگه‌ل دو حاله‌تێن پێڤه‌دانا ماران هاتینه‌ تۆماركرن و 43 كه‌س، كو ب به‌ر روودانێن ترۆمبێلان كه‌تین یێن هاتینه‌ تۆماركرن.

به‌رپرسێ راگه‌هاندنێ ل رێڤه‌به‌ریا گشتی یا ساخله‌میا پارێزگه‌ها دهۆكێ گۆت: “303 كه‌سان په‌یوه‌ندی ب تیمێن 122ێ كریه‌، ژ وانا ژی 90 كه‌س یێن هاتینه‌ ڤه‌گوهاستن بۆ نه‌خۆشخانه‌یان و 213 كه‌س ژی ل جهێن وان یێن هاتینه‌ چاره‌سه‌ركرن و دو هزار و 967 پشكنینێن كۆرۆنایێ هاتینه‌ ئه‌نجامدان، ژ وانا: 843 كه‌س تووشی كۆرۆنایێ بووینه‌، سوپاس بۆ خودێ‌ چو كه‌سان ژ به‌ر كۆرۆنایێ گیانێ خوه‌ ژ ده‌ست نه‌دایه‌، نوكه‌ پێله‌كا كۆرۆنایێ ده‌ستپێكریه‌، ئه‌م داخوازێ‌ ژ وه‌لاتیان دكه‌ین پێگیریێ ب رێنمایان بكه‌ن و ڤاكسینێ وه‌ربگرن”.

کۆمێنتا تە