د 810 خوله‌كان دا دلۆڤان مه‌هدی گۆلا خوه پاراستیه
ئه‌ڤرۆ،
د یداره‌كا كورت دا كوڕێ باژێرێ دهۆكێ و گۆلپارێزێ یانا ته‌له‌به یا به‌غدایی دیاركر د ئه‌ڤ ساله دا باشترین وه‌رزه د ژیانا وی یا وه‌رزشی دا و شیایه د نه‌ه یاریان دا گۆلا خوه پارێزیت و ئێك ژ یاریزانێن داخوازكری بۆ ناڤ رێزێن هه‌لبژارتیێ ئیراقێ دا یه.
زێده‌تر دلۆڤان مه‌هدی بۆ رۆژناما ئه‌ڤرۆ گۆت: وه‌رزێ ئه‌ڤ ساله یێ خولا پلا نایابا ئیراقێ دهێته هژمارتن باشترین وه‌رزی د كاروانێ من یێ یاریا ته‌پا پێی دا كو ل گه‌ل یانا ته‌له‌به شیایمه ئاسته‌كێ مه‌زن نیشان بده‌م و به‌ره‌ڤانیێ ژ گۆلا خوه بكه‌م بوویه ئه‌گه‌ر بهێمه داخوازكرن بۆ ناڤ رێزێن هه‌لبژارتیێ ئیراقێ دا، پێنه‌ڤێت ئه‌ڤچه‌نده ژی بۆ رژدیا من لسه‌ر پێشكه‌فتنا ئاستێ خوه دیسان پشتی چه‌ند نه‌خووشیێن ده‌ستپێكێ و دووڤدا ره‌خنێن دژی من هاتینه كرن ئه‌ز قۆربانیێ ب گه‌له‌ك پێنگاڤا بده‌م پێخه‌مه‌ت هێز و شیانێن خوه ڤه‌گه‌ڕینم، سۆپاس بۆ خودێ د نوكه دا ئێك ژ باشترین گۆلپارێزا مه ل ئیراقێ و نا هێلم سه‌ردابوون بۆ من چێبیت دێ هه‌موو بزاڤا كه‌م ل كۆپیتكێ بم و گه‌ل هه‌لبژارتیێ ئیراقێ ببمه سه‌ره‌كی.
هه‌روه‌سان ناڤهاتی ئه‌وچه‌نده ژی دیاركر وه‌كو یاریزانه‌كێ پارێزگه‌ها دهۆكێ و كورد ب شانازی دبینت هه‌موو شلۆڤه‌كار و چاڤدێرێن وه‌رزشی په‌سنا شیانێن من بكه‌ت و شیایه د 810 خوله‌كان دا ئانكۆ ماوێ نه‌ه یاریان گۆلا خوه پارێزم ئه‌ڤه ژی ب سانه‌هی نینه تایبه‌ت ل گه‌ل یانێن مه‌زنه ئیراقێ بیت و هه‌ڤڕكی ل گه‌ل هه‌بیت و دێ به‌رده‌وام به‌ره ب باشتربم.
