راهێنەر و یاریزانێن كیكبۆكسینگێ: د بهێزترین قارەمانی دا ئەم گەهشتینە ئارمانجا خوە
داخویانیەكێ دا راهێنەرێ یانەیا دهۆك و هەلبژارتیێ ئیراقێ بۆ یارییا كیكبۆكسینگێ دیار كر پشكدارییا سێ یاریزانێن یانەیا پۆلیتەكنیك و یاریزانەكێ یانەیا دهۆكێ د قارەمانییا ڤەكری یا نێڤدەولەتی ئیستەنبۆل داب اشترین دەلیڤە بوو ژبۆ وەرگرتنا شارەزاهیێ و تێكەلی دگەل قارەمانێن جیهانێ، د هەڤڕكیێن واندا ئەوا دوهی ل وەلاتێ توركیا ژلایێ فیدراسیۆنا نێڤدەولەتی یا كیكبۆكسیگێ WAKO سالانە دهێتە رێكخستن.
زێدەتر سالح كەكۆ بۆ رۆژنامەیا ئەڤرۆ گۆت: ئەم وەكو شاندێ پارێزگەها دهۆكێ ژ دو یانەیان كو دو راهێنەر و چار یاریزانان پشكداری قارەمانیێ بووین ئەوا دهێتە هژمارتن ئێك ژ مەزنترین قارەمانیێن ل سەر ئاستێ جیهانێ دهێتە كرن و زێدەتر سێ هزار و 700 یاریزانان پشكداربوون و شەڕ بۆ 12 كێشێن جودا یێن سێ سیستەمێن یاریێ ل باژێرێ ئیستەنبۆلێ د هاتە كرن، هەڤڕكییەكا دژوار هەبوو تایبەت دناڤبەرا وەلاتێن ئۆرۆپا و یێن رۆژهەلاتا ئاسیا ئەوێن سەربۆرەكا درێژ هەیی بەرۆڤاژی یاریزانێن مە كو بوو جارا ئێكێ یە پشكداری قارەمانیەكا نێڤدەولەتی یا بڤێ قەبارێ بن لەوما وەرگرتنا شارەزاهیێ و تێكەلبوون دگەل قارەمانێن جیهانێ ئارمانجا مە یا سەرەكی بوو و تا رادەیەكێ باش ب جهـ هات.
هەروەسان ناڤهاتی گۆت: بۆ مە گرنگ پشكداری بوو و گەهشتن ب ئارمانجا خوە، ئەڤە پێنگاڤا باش بوو هاتیە هاڤێتن، هەروەسان هەبوونا دادڤانەكێ كورد وەكو زێرەڤان سالح كو شیایی ببیتە جهێ باوەرییا رێكخەرێن قارەمانیێ و فیدراسیۆنا واكو كو زێدەتری 30 یارییان ب ڕێڤە ببەت ئەڤە ژی دەستكەفتەكێ نوو یە ژلایێ دادڤانێن كوردستانێ و ئیراقێ دا.
بۆ زانین شاندێ هەردو یانەیان پێكهاتی بوو سالح كەكو راهێنەر و مستەفا فەرسەت بۆ كێشا 86 كگم یا سیستەمێ لۆكێك یاریزانێ یانەیا دهۆك، هەروەسان مەلەڤان كامیران و سێ یاریزانێن یانەیا پۆلیتەكنیك پشكداربوون ئەو ژی سەركەفت ئەمین بۆكێشا – 91كگم سیستەمێ لایی كۆنتاك، عەبدولقادر عەلی بۆ كێشا 63.5 كگم سیستەمێ لۆكیك و ئەیهەم ئێحسان بۆ كێشا 67 كگم سیستەمێ فۆل كۆنتاك.
