رۆنالدۆ دێ شەڕی ل دو چەپەران كەت و پێشبینییا سۆپرایزان دهێتە كرن
شاهۆ فەرید:
پێشبینی و سۆپرایز د ئەنجامێن هەر شەش كۆمێن یۆرۆیا 2024ێ دا گەلەكن و دبیت هندەك ئەنجامێن نە چاڤەڕێ كری بهێنە دیتن، ئەڤە بۆچوونا شارەزیێن وەرزشی ل وەلاتێ ئۆرۆپا نە، ئەوا بڕیارە هەڤڕكیێن وێ ل 14ێ ڤێ مەهێ وەلاتێ ئەلمانییا مێڤاندارییا وێ بكەت و24 هەلبژارتیێن ئۆرۆپا دێ هەڤڕكیێ بۆ ناسناڤێ ئێك ژ مەزنترین قارەمانیێن ل سەر ئاستێ جیهانێ بكەن، رۆژنامەیا ئەڤرۆ ژی بەری روودانێن قارەمانیێ لاپەرێن خوە ب پێناسە و پێزانین ل سەر هەمی هەلبژارتییان ب شێوەكێ كورت دایە دیار كرن، د هژمارەیا ئەڤرۆ ژی دا دو كۆمێن پێنج و شەشێ داینە دیاركرن.
كومەلا پێنجی: بەلیجیكا – سلوڤاكیا – رۆمانیا – ئۆكراینا
شرۆڤەكارێن وەرزشی ئەڤێ كۆمێ ب هەڤسەنگ داینە نیاسین و هەر چار هەلبژارتان دەلیڤەیا دەربازبوونێ بۆ قۆناغا دووڤدا یا هەیی، هەلبژارتیێ بەلجیكا كو ئێك ژ ئەوان تیمێن ب هەبوونا چەند یاریزانێن خودان شیان ئاستەكێ باش نیشان دایە د بەرهەڤی و قارەمانیێن بوری دا دڤان، دیرۆكێ دیار كرییە دێ بیتە جارا حەفتێ پشكداریێ د دیۆرۆیێ دا بكەت، سەرباری ئەو شیانێن مەزن نین نبۆ گەهشتن بەر ب یاریێن دووماهیێ لێ بوویە ستریەك د ڕێكا گەلەك هەلبژارتیێن مەزن دا، ل دووڤ دووماهی راپۆرتێن رۆژنامەڤانی راهێنەرێ وێ دۆمینیكۆ تیدیسكۆ پێكهاتیێ خوە راگەهاندییە بێ گازیكرنا گۆلپارێزێ بناڤ ودەنگ یێ ریال مەدرید كۆرتۆا، بەلكو دێ پشت گەرمی ب كۆین كاستیلز كەت، هێلا بەرەڤانیێ پێكهاتییە ژ مونیر، فایز، دیباست، كویبر و هێلا ناڤین، ئونانا، فیرمین، دێبروین هێلا هێرشبەریێ، باكایوكو، كاراسكو و ئوپێندا، هەلبژارتیێ دویێ د كۆمێ دا سلوڤاكیایە كو دبیتە جارا ئێكێ د دیرۆكا خوە دا بهێنە دناڤ هەڤڕكیێن یۆرۆیێ دا، هەرچەندە هیڤیێن وێ د مەزنن لێ ئاستەنگ گەلەكن، ئەو پێكهاتیێ پێشبینیكری، گۆلپارێز، رووداك، هێڵاا بەرەڤانیێ، بیكارێك، جومبێر، سكرینیار، دیماركۆ و هێڵاا ناڤین، رێگو، روڤیسكی، بینیز و هێلا هێرشبەران، سوسلوڤ، راسلین و سێرگل، هەلبژارتییا سێیێ رۆمانیایە ئەوا هەر قارەمانییەكێ دا ب سۆپرایزان دەست ب هەڤڕكییان كرینە تایبەت د هەر شەش پشكداریێن خوە یێن یۆرۆیێن بوری دا، ئەو پێكهاتیێ هاتییە راگەهاندن، گۆلپارێز، نیتا وهێلا بەرەڤانیێ، راتیو، رۆز، دراكشن، بایچ و هێلا ناڤین، رزڤان، ماریوس، ستانیوس و هێلا هێرشبەران، میهایلا، مان، دراوش، هەلبژارتیێ چارێ د كۆما پێنجێ دا ئۆكراینا ئەوا دشێت هەردەمەكی ترسێ بێخیتە دناڤ رێزێن تیما هەڤڕك دا ژبەر شیانێن وێ بۆ گوهۆڕینا هەر ئەنجامەكی ئەوا دبیتە پێنج جاران هاتییە یۆرۆیێ و ل 2021ێ گەهشتبوو پێش دووماهیێ ژی، پێكهاتیێ ئۆكراینا ،گۆلپارێز، تروبین، هێلا بەرەڤانیێ، ماتفینكو، زێنچینكۆ، كومبالیا، زڤاكۆ، زبارنی، هێلا ناڤین، مودرێك، شبارنیكۆ، سیڤانیكۆ، تسیگانكوف هێلا هێرشبەریێ یارمیشوك.
كۆمەلا شەشێ: توركیا – پۆرتۆگال – چیك – جۆرجیا
دڤێ كۆمێ ژی دا پێشبینی دهێنە كرن یا هەڤسەنگ بیت بۆ ئاستی و رێزبەندیێ و هەرچار هەلبژارتی خودان چەنسن، دبیت بهێتە گۆتان سەرێ لیستێ یا ڤەبر بیت بۆ پۆرتۆگالێ ب سەركێشیا ستێرا خوە كرستیانۆ رۆنالدوی لێ د واقعێ یۆرۆیێ دا ب سانەهی نابیت هەلبژارتیێن دی ژی خوە دبینن سەرێ لیستێ تایبەت توركیا دبیت جورجیا ئەو شیانێن رێزا ئێكێ نەبن، توركیا خودان هیڤییە بۆ قۆناغا دویێ ئەوا دبیتە جارا حەفتێ یە پشكدار دبیت، ئەو یاریزانێن دبنە پێكهاتیێ وێ پێشبینیكری، گۆلپارێز، بایندیر، هێلا بەرەڤانیێ، كاباك، بردگێجێ، مولدۆر و سێلیك هێلا ناڤین، چالهان، ئۆغلۆ، ئەیهان، یازیسێ هێلا هێرشبرنێ، یەلماز، یەلدز و ئایدن، هەلبژارتیێ دویێ یێ بهێز د كۆمێ دا پۆرتوگالە ئەوا هیڤیێن مەزن هەنە و دهێتە هژمارتن ئێك ژ هەلبژارتیێن پێشچاڤ و بەربژار بۆ ناسناڤی، نەهـ جاران هاتییە یۆرۆیێ و گەشبیینە ب پێكهاتیێ خوە ب گەهیتە ناسناڤێ دویێ ئەوا ژ گۆلپارێز ،خوسی سا، هێلا بەرەڤانیێ، كانسێلۆ ،سیلڤا، دیاز، مێندێش، هێلا ناڤین، نیڤێز، بالێنا، ڤێرێرا ، هێلا هێرشبەران جوتا، لیاو، كرستیانۆ رۆنالدۆ، هەلبژارتییا سێیێ یا خودان هیڤیێن مەزن ئەوژی هەلبژارتیێ چیك ئەوا دبیتە جارا حەفتێ یە پشكدار دبیت و باشترین دەستكەفتێ وێ رێزا دیێ ل یۆرۆیا 1996 ب دەستڤە ئینابوو، ئەو پێكهاتیێ پێشبینیكری، گۆلپارێز، ماتیكوڤاش، هێلا بەرەڤانیێ، فێدیك، هێرناتێش، زیما، هێلا ناڤین، سادلیك، كوڤال، یوراسیك، هێلا هێرشبەریێ، باراك، شولك، چوری، شیتێل، هەلبژارتییا چارێ ئەوژی جۆرجیا یە ئەڤ یۆرۆیە دبیتە ئێكەم پشكداری د دیروكا وێ دا دبیت چو ئارمانجێن مەزن نەبن لێ هیڤیێن هەبوونا سەنگەنكی یە، پێكهاتیێ پێشبینیكری، گۆلپارێز، مامارادالشی، هێلا بەرەڤانیێ، كاشیا، داڤالی، كڤیركیر، ڤیلیا، هێلا ناڤین، كیتچیڤلی، راداشفلی، ئوتار، لیڤان و هێرشبەر، كڤاراستخیلیا، زیڤیزیڤری و شكاڤیدایز.
