رۆنالدۆ: هەر دەمێ من شیان نەمان دێ كاروانێ خوە ب دووماهی ئینم
د دیدارەكا رۆژنامەڤانی دا ستێرێ پۆرتۆگالی و یاریزانێ یانەیا نەسر یا سعۆدیێ كریستیانۆ رۆنالدۆ دیار كر هێشتا ئەو دەم نە هاتییە كو فوتبۆلێ بهێلیت، هەردەمێ زانی شیان نەمان دێ دەست ژ كاروانێ خوە وەكو یاریزان بەردەت.
د درێژاهییا دیدارا خوە دا ناڤهاتی گۆت: سرۆشتی یە هەر یاریزانەكی هەست پێ كر ئێدی ئەو نەشێت ئاستێ باش نیشان بدەت و ببیتە یاریزانەكێ بارگرانی دێ دەست ژ كاروانێ خوە بەردەت، هەتا نوكە هزر دكەم من شیانێن هەین لێ پێنەڤێت هەردەم ئەو شیان نەمان دێ بڕیارێن دی ژی هەبن و ئێكەم كەس بم چ دگەل یانەیا خوە یان هەلبژارتیێ خوە بجهـ بهێلم، ئەز دزانم هەتا نوكە شیانێن من چەندن، رێزێ ل بۆچوون و پلانێن راهێنەری دگرم وەكو رەوشت دڤێت هەبیت، من دیرۆك یا هەیی شانازیێ پێ دبەم و بەردەوامم ل سەر دیرۆكا زێرین.
