رۆژنامەڤان نەشێن 100% ب ئازادانە كار بكەن
بێوارحەمدی:
ئاكام غەفور، پەیامنێرێ مەدیایا (964) ل قەزایا سوران، د دیدارەكێ دا بۆ رۆژنامەیا ئەڤرۆ گۆت: ئەڤە نێزیكی سێ سالانە ئەز وەك پەیامنێر كاردكەم، لێ هەكە من پەیامنێری نەكربا من حەزدكر ببامە بێژەر یان پێشكێشكار.
هەروەسا گۆت: هەردەم ئەز دبێژم گوهۆڕینا وەرزان كارتێكرن ل سەر پەیامنێران هەیە، ب تایبەت وەرزێ زڤستاتێ كو دەركەفتن و چێكرنا راپۆرتێن سەرجادێ هەتا رادەیەكی یا ب زەحمەتە و ب دیتنا من رۆژنامەڤان نەشێن 100% ب ئازادانە كاربكەن، ژبەركو هەر چاوابیت هەر ئێك یێ گرێدایە ب یاسایێن دەزگەهێ ئەو لێ كاردكەت، سەبارەت كاركرنا ب خۆ بەخشی ژی ب دیتنا من د نوكەدا ئەو ژی یا ب زەحمەتە، چنكو ژیان یا ب زەحمەتە.
