رێداری و هنینێ من تو دڤێی بەلاڤكر
شاهۆ فەرید:
سترانبێژ (رێدار نسرەت) نوویترین سترانا خوە ب ناڤێ (من تۆ دڤێی) ب شێوێ دوقۆلی بەلاڤكر و د دیدارەكێ دا بۆ رۆژنامەیا ئەڤرۆ گۆت: ئەڤ سترانە ژ پەیڤێن بابێ من مەدیاكار (نسرەت هادی) نە و ئاوازێن منە و كارێ ئارێنجاوێ سەعید سەباحی هاتیەكرن، دابەشكرنا مۆزیكێ و تۆماركرنا سترانێ ل وەلاتێ ئیرانێ كار بۆ هاتیەكرن، ناڤا یوتیوب چەنالێ خوە دا من بەلاڤكریە ئەڤە دبیتە سیێەم سترانا خوە بەلاڤ دكەم.
ناڤهاتی گۆت: كار گەلەك رێكوپێكی ل سەر ئەڤێ سترانێ هاتەكرن، ئەڤ جارە شێوێ دوقۆلی هاتە تۆماركرن ل گەل كچەكا دەنگخۆش (هنین كەمال) هەلبژارتنا ئە ڤی جۆرێ سترانێ دەنگەكێ نێزیكی سترانبێژیی بیت، ئەز و هەنین قوتابینە ل پەیمانگەها هونەرێن جوان ئەم شیاین سترانەكا جوان پێكڤە تۆماربكەین، كارێ كلیپێ دەم و پلانەكا باش بۆ دڤێت هەتا بەرهەم بینی، دڤێت وێنەكرن و پەیڤێن وێ ل گەل ئێك بگونجن، ل نێزیك من ل بەرە كلیپەكا باش چێكەم و پێشكێشی حەزژێكەرێن دەنگێ خوە بكەم.
