رێكارێن دژوار دژی ماددەیێن هۆشبەر دێ هێنە بجهئینان

رێكارێن دژوار دژی ماددەیێن هۆشبەر دێ هێنە بجهئینان

7

هەولێر، قائید میرۆ:

بەرپرسەكێ وەزارەتا كار و كاروبارێن جڤاكی ئاشكرا كر، وان پلانەكا ستراتیژی بۆ بەرهنگاربوونا ماددەیێن هۆشبەر هەیە و دبێژیت: رێكارێن دژوار دژی وان كەسێن تۆمەتبارن ب بازرگانی و ب كارئینانا ماددەیێن هۆشبەر دێ‌ گرینەبەر.
دكتۆر سەلاح ئەنوەر، شیرەتكارێ وەزارەتا كار و كاروبارێن بۆ رۆژناما ئەڤرۆ دیار كر، پلانەكا ستراتیژی ژ بۆی بەرهنگاربوونا ماددەیێن هۆشبەر هاتیە بەرهەڤكرن و هەموو لایەنێن پەیوەندیدار ژی تێدا پشكدارن هەتا رێگری ل ماددەیێن هۆشبەر بهێتە كرن و گۆت: «لژنەیەكا بلند هاتیە پێكئینان و ب رێیا ئەڤێ لژنێ‌ هەرێما كوردستانێ بەرهنگاری پرسا ماددەیێن هۆشبەر دبیت، پێنگاڤێن باش هاتینە هاڤێتن، دەزگەهێن ئەمنی ژی رۆلەكێ كارا بۆ دەستەسەركرنا تۆمەتباران و رێگری كرن ل ب كارئینان و بازرگانیێ ب ماددەیێن هۆشبەر هەیە».
دكتۆر سەلاح ئەنوەر گۆتژی: «ب كارئینان و بازرگانیكرنا ب ماددەیێن هۆشبەر گەهشتیە قۆناغێن مەترسیدار و هند نەمایە خەلك وەكی جگارێ ب كاربینیت، هەر چەند هێزێن ئەمنی بەردەوام تۆمەتباران دەستەسەر دكەن و د چارچوڤێ قانوونێ‌ دا سەرەدەریێ د گەل دا دكەن، بەلێ بەردەوام رێژە بەر ب بلندبوونێ یە، مە پلان بۆ ڤێ چەندێ هەنە و دێ‌ رێكارێن دژوار گرینە بەر دژی كەسێن تۆمەتبارن ب ماددەیێن هۆشبەر».

کۆمێنتا تە