رێنومایێن نوو بۆ دروستكرنا ئاڤاهیان ل سهرسنكێ هاتنه دهركرن
ئامێدیێ، مهحمود نهێلی:
سهرۆكێ باژێرڤانیا سهرسنكێ بۆ رۆژناما ئهڤرۆ دیار كر، ب مهرهما رێكخستنا ئاڤاكرنا خانیان و جهێن بازرگانی و خزمهتێن گشتی لژنهیهك هاتیه پێكئینان و ل دووڤ رێنومایێن وێ لژنێ ئاڤاهی ل سهنتهرێ ناوچهداریا سهرسنكێ دێ هێنه ئاڤاكرن.
ئهندازیار، سهرجۆن خوشابا، سهرۆكێ باژێرڤانیا سهرسنكێ دیار كر، ل دووڤ فهرمانا وهزارهتا باژێرڤانیان و گهشتوگوزار لژنهیهك هاتیه پێكئینان، كو ژ نوونهرێن رێڤهبهریا گشتی یا باژێرڤانیان ل پارێزگهها دهۆكێ و پشكا نهخشێن بنیاتی و رووپیڤان و ئهندازیارێن رێڤهبهریا گشتی یا باژێرڤانیان ل پارێزگهها دهۆكێ و رێڤهبهریا نهخشهدانانا ئاڤهدانی ل دهۆكێ و نوونهرێ سهرۆكاتیا باژێرڤانیا سهرسنكێ پێك دهێت و گۆت: “ئهڤێ لژنێ ژ بۆ مهرهما دانانا رێنومایێن ئاڤاكرنا ئاڤاهیێن خزمهت گوزاریێن گشتی، بازرگانی و گهشتوگوزاری، ئهوێن دكهڤنه ل سهر جادهیێن گشتی ل سنوورێ باژێرڤانیا سهرسنكێ سهرهدانا باژێرێ سهرسنكێ كر و ل گهل جهێن پهیوهندیدار دانوستاندن ل سهر چهند تهوهران كرینه”.
ناڤهاتی تهكز ژی كر كو نابیت چو ئاڤاهیهكێ خزمهتگوزاریێن گشتی و گهشتوگوزاری، ههروهسا یێن بازرگانی بێ رێنومایێن ڤێ لژنێ بهێنه ئاڤاكرن.