رەشا تالب: مە ژ ڤالاتیێ دەستپێكریە و چاڤەڕێ ڤەگەڕیانەكا ب هێز بن
قەیس وەیس:
ئەنداما فدراسیۆنا فوتبۆلا ئیراقێ و سەرۆكا لژنەیا ئافرەتان دیار كر پشتی گوهۆڕینا ستاڤێ راهێنانێ و پێكهاتیێ هەلبژارتیێ ئیراقێ یێ فوتسالێ گەشبینم دێ پاشەرۆژەكا نێزیك دا باشترین هەلبژارتیی بینن.
رەشا تالب بۆ دەزگەهێن ڕاگەهاندنێ گۆت: ژبەركو مە گوهۆڕینێن مەزن دناڤ رێزێن هەلبژارتیێ ئیراقێ كرینە و نڤشەكێ نوو دانایە لەوما ژی مە ژ چنەیێ یا دەستپێكری و دەمەكێ نێزك دڤێت باشترن هەلبژارتیێ بهێتە دروستكرن، ئەڤچەندە ژی هات پشتی مە لژنەیا تاقیكرنێ بۆ یاریزانێن هەموو دەڤەرێن ئیراقێ و كوردستانێ دانایی و شیان پێكهاتیەكێ بهێز ژ یاریزانێن ژیێن بچووك هاتییە دانان لەوما ژی چاڤەڕێ ڤەگەڕیانەكا ب هێز بن یا هەلبژارتیێ ئیراقێ.
هەروەسان گۆت: یا گرنگ بوو مە ئەوە دڤێت بهێنفرەهـبن هەتا تیمەكا ب هێز بهێتە دروستكرن كو ئەم پشت گەرمیێ ب ئاست و شیانێن وان بكەین بۆ چەندین سالێن دی، گەشبینم دێ دۆبارە هێز و شیانێن وەرزشڤانێن كچ هێنە دیتن.
