زاخۆ دێ بۆ دەمێ 10 رۆژان ئاهەنگان گێڕیت
عەلی حاجی:
رێڤەبەریا رەوشەنبیری و هونەری ل زاخۆ، د دیدارەكێ دا بۆ رۆژناما ئەڤرۆ دا دیاركرن كو وان بەرنامەیەكێ تایبەت دانایە بۆ پێشوازیكرنێ ل سەرێ سالا نوو كو چەندین ئاهەنگان ب دانن و هونەرمەندێن كوردستانێ و پارچەیێن دی یێن كوردستانێ دێ پشكدار بن تێدا.
دلخاز موسای گۆت: د ئەڤ سالە دا ب شێوەیەكێ جوداتر ژ سالا بۆری ب رێیا لایەنێن پەیوەندیدار ل زاخۆ لژنەیەك هاتیە پێك ئینان بۆ وێ یەكێ بەرنامەیەكێ رێك و پێك بۆ ئاهەنگێن سەرێ سالا نوو 2024 ل زاخۆ بهێنە دانان، مە پەوەیندی ب هونەرمەندێن هەرێما كوردستانێ و باكور و رۆژهەلاتێ كوردستانێ و چەندین تیپێن هونەری و داوەتان كرینە دا كو پشكدار ببن د ئاهەنگێن سەرێ سالا نوو دا ل زاخۆ ئەوا بڕیارە بەرنامەیێ مە هەر ژ رێكەڤتی 21\12 دەست پێبكەت هەتا 31\12 ل گۆرەپانا پرا دەلال و هەر دیسان ئەم دگەل گرۆپێ گەشتیاری ژی ئاخفتینە دا كو زۆرترین رێژەیا گەشتیاران بهێنە زاخۆ و دێ هونەرمەندێن ستێر د ئاهەنگێن زاخۆ دا پشكدار بن و هەر دیسان دێ هەر ژ دەستپێكا تۆنێلا زاخۆ هەتا دناڤ بازاری دا و ب تایبەتی ژی گۆرەپانا پرا دەلال و دەوروبەرێن وێ هێنە خەملاندن و دارەكا كریٍَسمس یا 13 مەتران بلند ل پرا دەلال هێتە دانان.
