زاخۆ و قەتەر دێ پرۆتۆكۆلێن هەڤپشک گه‌نگه‌شه‌ كه‌ن

زاخۆ و قەتەر دێ پرۆتۆكۆلێن هەڤپشک گه‌نگه‌شه‌ كه‌ن

9

عەلی حاجی:

د داخویانیەکێ دا سکرتێرێ یانه‌یا زاخۆ یا وەرزشی بۆ رۆژنامه‌یا ئەڤرۆ دیار کر بۆ بابەتێن وەرزشی و سپونسەر و پێشئێخستنا وەرزشێ ل زاخۆ سەرۆکێ یانه‌یێ دێ سەرەدانا وەلاتێ قەتەر کەت.
زێدەتر هشیار شەهباز گۆت: ل ئێک ژ یاریێن تیما زاخۆ یا وەرزێ ئەڤ سالە د خولا ستێرێن ئیراقێ یا فوتبۆلێ دا کونسولێ گشتیێ وه‌لاتێ قەتەر ئامادەیی یاریێ بوو و بەرهەڤیا خوە دیار کربوو کو ب ڕێیا وەلاتێ خوه‌ دێ چەند پرۆژەیێن هەڤپشک د بوارێ وەرزشێ و ئاڤەدانکرنێ دا پێشکێشی یانه‌یا زاخۆ کەن، بۆ ڤێ یه‌كێ گوهدار شێخۆ سەرۆکێ فەخریێ یانه‌یێ و سه‌رپه‌رشتێ ئیدارا سه‌ربه‌خوه‌یا زاخۆ و عەمار فەرهاد سەرۆکێ یانه‌یێ دێ سەرەدانا وه‌لاتێ قەتەر کەن، بابەتێن بهێنە بەحسکرن ژ وانا ڤەکرنا ئەکادیمیەکا وەرزشی و سەرپەرشتیکرنا ڕاهێنەران پێخه‌مه‌ت پێگەهاندنا یاریزانان و پشتەڤانیکرنا ماددی یا وەلاتێ قەتەر د وان ئەکادیمیان دا کو ب ڕەنگەکێ بیت وەلاتێ قەتەر پشتەڤانیا تەمام بکەت کو د پاشەرۆژێ دا بۆ وان یاریزانان کەمپێن ڕاهێنانێ ل وەلاتێ قەتەر بهێنە دانان، ژلایەکێ دیتر ڤە ژی دیتنا سپونسەرایە بۆ یانه‌یا زاخۆ ژبەرکو سپونسەرێن باش ل وی وەلاتی هەنە و پێشتر ژی هندەک پێنگاڤ هاتینە هاڤێژتن،هەر دیسان دێ چەند پرۆژەیێن دیتر دەربارەیی وەرزشێ هێنە گه‌نگه‌شه‌كرن، مە یانەیا زاخۆ کریە دەرگەهەک کو گەلەک بیاڤێن دیتر ژی دا وەلاتێ قەتەر مفایی بگەهینتە ئیدارەیا سەربەخویا زاخۆ.
ناڤبری دیاركر ئەڤ پێنگاڤێن وەلاتێ قەتەر ژبەر هەبوونا وی پێگەهێ ب هێز یێ جەماوەرێ یانه‌یا زاخۆ و راهێنەرێ وێ یێ قەتەری تەلال بەلوشی یە و پلانێن باش ژی د ڕێ دانە و گۆت: لدور پرۆژەیێن وەبەرهێنانێ ژی وان پێنگاڤێن باش هاڤێژتینە و گەهشتینە قوناغێن دووماهیێ و دێ ئەو پرۆژە خزمەتەکا باش د بوارێ دارایی دا پێشکێشی یانه‌یا زاخۆ کەن کو ب ڕەنگەکێ ببیتە ژێده‌رێ داهاتەکێ باش بۆ یانه‌یێ.

کۆمێنتا تە