زاخۆ و ڕاهێنەرەکێ یۆنانستانی گەهشتنە رێکەفتنێ
عەلی حاجی:
د داخویانیەکێ دا سکرتێرێ یانه‌یا زاخۆ یا وەرزشی بۆ رۆژنامه‌یا ئەڤرۆ دیار کر ئەو گەهشتینە رێکەفتنێ دگەل راهێنه‌ره‌كێ بیانی ژ ره‌كه‌ز یونانستانی یه كو ببیته هاریکارەکێ راهێنەرێ تیما مه یا فوتبۆلێ بۆ یاریێن مایێ ژ خولا ستێرێن ئیراقێ دا و پشتراستن ب هاتنا وی دێ زاخۆ باشتر بیت.
زێدەتر هشیار شەهباز گۆتی: بۆ دەمەکێ یە ناڤێ چەند هاریکارەکێن راهێنەران ل بەر دەستێن مە هەبوون کو پشکەک ژ وان ئیراقی بوون و پشکەکا دیتر ژی بیانی بوون و وان کۆمبوون دگەل ڕاهێنەرێ تیما خوە یا فوتبۆلێ ییچ قه‌ته‌ری ته‌لال ئه‌لبلۆشی کربوو و ناڤێن هنده‌ك راهێنه‌ران بۆ به‌رده‌ست كربوو، پشتی دۆڤچوونه‌كا ته‌سه‌ل وی باوەری ب شیانێن وان نەبوون ل دووماهیێ راهێنه‌ره‌كێ ره‌كه‌ز یونانستانی ده‌ستنیشانكر كو د نوكه دا ل وه‌لاتێ قه‌ته‌ره و دانوستاندن ژی دگەل دا هاتینە کرن و گەهشتینە رێکەفتنا دووماهیێ و چاڤەرێ نە ل حەفتییا بهێت بگەهیتە باژێرێ زاخۆ دا کو گرێبه‌ست دگەل بهێته ئیمزاكرن و پەیوەندیێ ب تیمێ بکەت و تەلال بەلوشی باوەرییەکا مەزن پێ هەیە و بۆ دەما نێزیکی ١٦ سالایە وی کاری دکەت.
ناڤبری گۆت: پشت راستین ب هاتنا وی هاریکارێ ڕاهێنەری دێ گوهۆڕین ل سەر ئاستێ یاریزانان دروست بیت ژبەرکو هەبوونا هاریکاری دگەل راهێنەری ب گرنگ دبینن نەخاسمە تیما مە ل سەر ڕێیەکا دروست د خولێ دا دچیت.
