زارۆك ترومبێلێ‌ دهاژۆت باب ژی سناپ دكەت

زارۆك ترومبێلێ‌ دهاژۆت باب ژی سناپ دكەت

30

هەرهین محەمەد:

ل ئەڤێ‌ دووماهیێ‌ دیاردەك د تورا جڤاكی یا سناپی دا سەرهلدایە كو گەلەك باب فێر بووینە تورمبێلێ‌ ددەنە ف زارۆكێ‌ خوە دهاژون و ئەو ژی ڤیدیو دكەت و بەلاڤ دكەت ژبۆ هەڤركی و بەرامبەری ئەڤێ‌ چەندێ‌ ڤەكولەرەكا جڤاكی دبێژیت: ئەو بابێ‌ تورمبێلی ب دەتەف زارۆكی خوە ئەو بابن نەكو ب پەروەردەكرنێ‌ رادبن.

ماموستا هەكار نێچیرڤان حەسەن، دیار كر كو هاژوتنا تورمبێلێ‌ ژلایێ‌ زارۆكان ڤە باشی و خرابیێن خوە هەنە، ژبەركو هەكە باب د گەرەكاندا زارۆكێ‌ خوە فێر كەت دبیت ئەو زارۆكە تووشی روودانان بیت، لێ‌ جهێن گونجایی هەنە ژ بۆ فێركرنێ‌، بەلێ‌ ب مەرجەكی ئەو زارۆكە گەهشتبیتە ژیەكێ‌ گونجایی و تورمبێلێ‌ ب هاژوت و گۆت: (بەلێ‌ هەكە بتنێ‌ ژ بۆ هەڤركیا كەسانێن بەرامبەری خوە زارۆكێ‌ خوە فێر كەت و د هەمان دەم ژی دا وێنە كەت و ل تورا جڤاكی یا سناپی بەلاڤ بكەت ئەڤە تشتەكێ‌ نە دروست و نە جوانە و ب ئەڤی رەنگی دبیت ئەو زارۆكە فێر بیت تورمبێلێ‌ بێی رەزامەندیا بابێ‌ خوە ب هاژوت و روودانان پێ‌ بكەت).
م. هەكار گۆتژی: (دڤێت مرۆڤی ئەو رەوشەنبیریە هەبیت و هەكە ژیێ‌ زارۆكی یێ‌ دەستنیشانكری بیت ژ بۆ هاژوتنا ترومبێلێ‌ دروستە و نڤیسینگەهێن فێركرنێ‌ هەنە و دبیتن رەوشەنبیری نە ب ئەوێ‌ چەندێ‌ یە كو مرۆڤ یێ‌ خودان باوەرنامە بیت و رەوشەنبیری ئەوە مرۆڤ بزانیت دێ‌ چەوا سەرەدەریێ‌ ل گەل زارۆكێن خوە كەت).
وەلات دۆسكی وەكو فەرمانبەرە دا زانین، دەمێ‌ كو دانوستاندن ل گەل زارۆكی دهێتە كرن نەكو ب ئەوی رەنگی بیت زارۆك وەسا هزر كەت ئەو یێ‌ د تاقیكرنێ‌ دا و هزرو بیرێن ئەوی د هەلسەنگینی وەسا بۆ دیار كەی كو تویێ‌ گرنگیێ‌ دەیێ‌ و هەكە زارۆكی ب خوە داخوازا هاژوتنا تورمبێلێ‌ ژ بابێ‌ خوە كر و زارۆك دژیەكێ‌ بچووكدا بیت پێدڤیە باب ب رێیەكا نەرم و جوان زارۆكی تێبگەهینت دا كو بێ‌ ئومێد نەبیت و بو دیار بكەی كو تو یێ‌ گرنگیێ‌ ب ئاخفتن و بۆچونێت ئەوی دەی و دەلیڤێ‌ بدەتە زارۆكی هەموو نهنیێن خوە بۆ تە بێژیت وەكو كەسەكێ‌ نێزیك.
ڤەكولەرا جڤاكی سەمیا سەعید، دیار كر كو هەر دیاردەكا هەڤركی دناڤدا بیت ئەو دیاردە یا كەسەكێ‌ نەساخە كو ژلایی دەروونیڤە دهێتە ئەنجام دان ئەنجامێن هەڤركیێ‌ بخو د خرابن هەكە ژ چوارچووڤێ‌ خوە یێ‌ ساخلەمی دەركەڤیت و گۆت: (د روودانێن مەترسیدار دا وەكو هاژوتنا ترومبێلێ‌ دبیت ئەو كەسە گیانێ‌ خوە ژ دەست بدەت).
ڤەكۆلەرا جڤاكی گۆتژی: ( ترومبێل ئاسن و ئاگرە و ئەو بابێ‌ ترومبێلی بكەتە دەستێن زارۆكی دا ئەو بابە یێ‌ كو ب رولێ‌ پەروەردەكرنا دروست رانەبیت، چونكی ئەو باب دەستپێكێ‌ یێ‌ زارۆكێ‌ خوە فێری ڤاریبوونێ‌ دكەت و ل ئەوی دەمی زارۆك دێ‌ فێری ترومبێلێ‌ بیت و دێ‌ كلیلێن ترومبێلێ‌ ژ بابێ‌ خوە دزیت و دێ‌ ترومبێلێ‌ هاژوت و دبیت روودانان ژی پێ‌ بكەت، لەورا گەلەك گرنگە سزایێن مەزن هەبن بۆ ئەوان كەسان یێن كو ترومبێلێ‌ دەنەف زارۆكێن خوە و سناپ دكەن ژ بۆ هەڤركی).

کۆمێنتا تە