زارۆیەكێ پێنج سالی ل زاخۆ خەندقی
زاخۆ، عەلی حاجی:
رێڤەبەرێ بەرگریا شارستانی ل زاخۆ بۆ رۆژناما ئەڤرۆ ڕاگەهاند، ل دەمژمێر 2:10 خولەكێ پشتی نیڤرۆ زارۆیەك د ناڤ ئاڤا خابیرێ زاخۆ دا خەندقی.
جەمال هەسن، رێڤەبەرێ بەرگریا شارستانی ل زاخۆ گۆت: «دوهی پەیوەندی ب تیما نقوومڤانی یا سەر ب رێڤەبەریا مە ڤە هاتە كرن، كو زاروویەكێ پێنج سالی د ناڤ خابیرێ زاخۆ دا ل گوندێ چەمسیرمۆ خەندقی و هەر ئێكسەر تیمێن مە گەهشتنە جهێ روودانێ ژ بۆ دیتنا لاشێ وی زارۆكی، ئەم یێ بەرەڤ وەرزێ هاڤیێ ڤە دچین و خەلكەك زێدە ل وی وەرزی دا قەستا خابیری دكەت و رودانێن ب ڤی ڕەنگی پەیدا دبن، بەلێ مە تیمێن خوەجهـ داناینە، داكو بۆ هەمی روودانان د ئامادە بن، دیسا ئاستێ ئاڤا خابیری هێشتا یێ بلندە و مەترسیا خەندقینێ زێدەترە و دڤێت وەلاتیێن مە د هشیار بن ژ ئاستێ ئاڤێ و خوە نەهاڤێژنە ئاڤێ«.
