زیرەکییا چێكرى دێ کارتێکرنێ ل نفشێ بهێت کەت
عهيشا عهجيب:
مامۆستایەکێ زانکۆیێ بۆ ڕۆژنامەیا ئەڤرۆ دیار کر، زیرەکییا چێكرى دشێت ژ ڕۆلێ مرۆڤان زێدەتر بکەت ب ڕێکا پێشکێشکرنا ئامیران و گۆت: زیرەکییا چێكرى ڕۆژ بۆ ڕۆژێ ل گەل گەنجان مەزن دبیت. دێ زیانەکا مەزن ل نڤشێ داھاتی کەت.
پ. ھ. د. ئازاد عهبدولعهزیز، مامۆستایێ زانکۆیێ، د دیدارەکێ دا بۆ ڕۆژنامەیا ئەڤرۆ دیارکر، زیرەکییا چێكرى دشێت ڕۆلێ مرۆڤان زێدەتر بکەت ب ڕێیا پێشکەشکرنا ئامیرێن بەلاڤکرنا پەیامان، باشتركرنا شیانێن بەرھەم ئینانا ناڤەرۆکێ، دهزگههێن ڕاگەھاندنێ ب ساناھی دشێن زانیارییان ل سەر پلاتفۆرمێن جڤاکی كۆنترۆل بكهن و گۆت: مەترسییا خۆ یا ھەی کو خەلك زێدەتر پشت ب زیرەکییا چێكرى گرێدەن و شیانێن بریاردانا سەربەخۆ و ئافراندنا ڕەسەن لاوازبیت و ئاشکرا کرنا ئهو زانیاری و ناڤەرۆکێن ژ لایێ زیرەکییا چێكرى ڤە ھاتیە چێكرن، پارستنا تایبەتمەندییا کەسان، ڕێگریكرن ل دورستكرنا ناڤەرۆکێن سەختە و كێمكرنا کارێگەریێن خراپ ل سەر جڤاکێ.
ناڤھاتی د بەردەوامییا ئاخفتنا خۆ دا ئاشکرا ژی کر كو زیرەکییا چێكرى دشێت کارتێکرنێ ل سەر شێوازێن نڤیسین، ئاخفتنێ، پێشڤەچوونا شیانێن زمانی، شێوازێ ھزرکرنێ و چارەسەرکرنا ئاریشەیان، کێم بوونا بڕیاران بۆ کارێن پێدڤی، گۆھۆرینا شێوازێن فێربوونێ و پەیوەندیکرنێ بکەت. زیرەکییا چێكرى ل گەل گەنجان ڕۆژ ب ڕۆژێ مەزن دبن دێ شیانێن و بڕیارێن جیاواز ھەبن ژ بۆ نڤشێن داھاتی.
مامۆستایێ زانکۆیێ ئەو چەندە ژی دا دیارکرن كو زیرەکییا چێكرى مەترسییەکا زێدە ھەیە کو کارتێکرنێ ل خوێندەواران بکەت ھندەک خال ژ وان خالان ئەڤەنە؛ لاوازبوونا شیانێن ھزرکرنا ڕەخنە و شرۆڤەکرنێ. کێمبوونا بڕیارێ بۆ ڤەکۆلین و لێگەریانا کوور. پێڤەگرێدانا ل سهر بەرسڤێن بەرھەڤکری بۆ چارەسەركرنا ئاریشەیان. کێمبوونا ئافراندنا ڕەسەن و شیانێن نڤیسانێ. شارەزایەكا كێم كو چاوا زانیارییان ھەلبژێرن و كو ببیتە جهێ باوەرییا وانا.
د. ئازاد عهبدولعهزیز گۆت ژی: بکارئینانا زیرەکییا چێكرى د ب ساناھیکرنا زانیاریان دا دشێت ببیتە ئەگەرێ بەرھەم ئینانا نوچەیێن ساختە یان دیپ فهيك، گەشکرنا پرۆپاگهندهیان، لەزاتییا بەلاڤبوونا زانیاریێن خەلەت، دروستکرنا وان كەسان ئهوێن بهس ئهوان زانیارییان دبینینن کو ل گەل باوەڕێن وان بگونجیت و کەمکرنا باوەریا گشتی ل ڕاگەھاندنێ و دەزگەهان.
ھەروەسا پلاتفۆرمێن وەکی فەیسبووک و یوتوب،…ھتد، زیرەکییا چێكرى بکاردئینین بۆ پێشنیارکرنا ناڤەرۆکێن تایبهتێن كهسی، ههلبژارتنا پۆستان ب حهزو و ئارهزوویا كهسان، ناسین و ژێبرنا ناڤەرۆکا بەرۆڤاژییا یاسایان، بەرھەم ئینانا ئاگاھداریێن گەشتیاری، شرۆڤەکرنا ڕەفتارێن بکارهێنەران، کارتێکرنا زیرەکییا چێكرى ل سەر ڕاگەھاندنێ یا مەزن و بهرفرهیه، چونکو دیار دکەت کو کیش زانیاری و بابهتان دێ گەھیتە ملیۆنان کەسان.
ناڤھاتی ئەو چەندە ژی دیار کر كو زیرەکییا چێكرى د ڕاگەھاندنێ دا لایەنین باش و خرابییا خۆ ھەیە وەک:
لایەنێ باش؛ لەزاتی و نزم بوونا بهایێ بەرھەم ئینانا ناڤەرۆکێ. شیانێن شرۆڤەکرنا زانیارییێن مەزن ب شێوەیەکێ بلەزتر. پێشکێشکرنا زانیاریێن کەسی بۆ ھەر بکارئینەرەکی. ھەبوونا خزمەتگوزاریێن ٢٤ دهمژمێری.
ديسا لایەنێن خراب وهكو؛ مەترسیا بەلاڤبوونا زانیاریێن خەلەت یان ساختە. کێمبوونا کارتێکرنا ڕۆژنامەڤان و کارمەندێن ڕاگەھاندنێ ل سەر ناڤهرۆكان. پێدڤیێن ب چاڤدێریکرنا مرۆڤی ههیه بۆ پشتراست بوون ل راستی و دروستیێ.
