زەریف: رۆسیا زیانێن مەزن گەهاندینە ئیرانێ

زەریف: رۆسیا زیانێن مەزن گەهاندینە ئیرانێ

27

محەمەد جەواد زەریف وەزیرێ دەرڤە یێ بەرێ یێ ئیرانێ بۆ دەزگەهێن راگەهاندنا وی وەلاتی دیار کر، سیاسەتا رۆسیا ل هەمبەر ئیرانێ هەتا نها گەلەک خراب بوویە، رۆسیا زیانێن گەلەک مەزن گەهاندینە ئیرانێ، رۆسیا ب چو رەنگەکێ نەڤێت پرسا بەرنامێ ئەتۆمی یێ ئیرانێ بهێتە چارەسەرکرن و هەردەم ئالۆزیان دروست دکەت و گۆت: (ڤێ دووماهیێ ئیرانێ درۆن داینە رۆسیا و رۆسیا ب درۆنێن ئیرانێ شەرێ ئۆکرانیایێ کر، لێ بۆ هەموو جیهانێ ژی ئاشکرا کر ئەو درۆنان ژ ئیرانێ وەردگریت، ژ بەر هندێ ژی زیانێن گەلەک مەزن گەهشتنە ئیرانێ).
ناڤهاتی ئەو یەک ژی دیار کر، دڤێت ئیران سیاسەتا خوە ل هەمبەر رۆسیا بگوهۆڕیت، نابیت بەرپرسێن ئیرانێ رێ بدەن رۆسیا بابەتێ بەرنامێ ئەتۆمی یێ ئیرانێ ل دووڤ بەرژەوەندیێن خوە بکار بینیت.

کۆمێنتا تە