سترانا (عیسێ‌ دەلا) ل پاییزا ئەڤ سالە دێ‌ كلیپ كەت

سترانا (عیسێ‌ دەلا) ل پاییزا ئەڤ سالە دێ‌ كلیپ كەت

40

زنار تۆڤی:

هونەرمەند (حەسەن شەریف) د دیدارەكێ‌ دا بۆ رۆژناما ئەڤرۆ گۆت: ئەڤە دەمەكێ‌ درێژە ئەز مژوولی چێكرن و تۆماركرنا دەه سترانێن نوومە، نوكە ئەو سترانە هەموو د قوناغا میكسكرنێ‌ دانە، ئەز وان سترانان ب شێوێ‌ ئەلبۆم بەلاڤ ناكەم، هەر سترانەكێ‌ ژ وان دێ‌ د دەمەكێ‌ دا بەلاڤكەم، د هەمان دەم دا هندەك سترانێن دی ژی ل بەر دەستێ‌ من هەنە، هەر دەمێ‌ دەلیڤە هەبیت دێ‌ كاری ل سەر وان ژی كەم و بەلاڤكەم.
حەسەن دبێژیت: نوكە ئەم كاری ل سەر سترانا (عیسێ‌ دەلا) دكەین، ئەو ستران ژ پەیڤێن هەلبەستڤان ئەدیب چەلكی نە، ئاوازا منە دانایە، قوناغا ئێكێ‌ ب دووماهی هاتییە، نێزیكی حەفت خۆلەك و نیڤایە، بڕیارە ل پاییزا ئەڤ سالە دەست ب كلیپكرنا وێ‌ بهێتە كرن و بۆ سالا بهێت دێ‌ هێتە بەلاڤكرن و ب دیتنا من ئەو سترانە دێ‌ گەلەك یا سەركەفتی بیت و هیڤی دكەم، مە كارەكێ‌ گەلەك باش بۆ خەلكێ‌ خۆ ئەنجام دابیت.

کۆمێنتا تە