سترانبێژ ژ نەچاری ستران و كلیپێن خوە ل یۆتیۆبی بەلاڤ دكەن

سترانبێژ ژ نەچاری ستران و كلیپێن خوە ل یۆتیۆبی بەلاڤ دكەن

40

سترانبێژ بزاڤ زاخۆیی، د دیدارەكێ‌ دا بۆ بەرپەرێ‌ هونەری یێ‌ رۆژناما ئەڤرۆ گۆت: بەری هەیامەكێ‌ من سترانەك تۆماركر بناڤێ‌ (غەریبی) و ل یوتۆبی بەلاڤ كر كو ژ پەیڤێن ئەحمەد ئدریس و ئاواز یا ئەوی ب خوە بوو و و سترانەكا دی ژی نوكە ل بەردەستە و ژ پەیڤ و ئاوازێن هەلبەستڤان عەبدولعەزیز سلێمان نە و ئەڤ سترانە ژی هەر دێ‌ لیوتیۆبی هێتە بەلاڤكرن و نوكە ژی كار ل سەر تۆماركرنا سترانەكێ‌ دكەم بناڤێ‌ (ئێڤار باش) پەیڤ محەمەد سالح و ئاواز سەمیر زاخۆیی و نوكە ل سەر كاردكەین و ل ژڤانە ل نێزیك كلیپ بكەم.
زێدەتر گۆت ژی: یوتیۆب كەنالێ‌ مرۆڤی یێ‌ تایبەتە و هەكە پێشكەفت دبیت داهاتەك ژی بۆ مرۆڤی ژێ‌ بهێت و نوكە ژی چ تیڤی و رادیۆ جهێن پەیوەندیدار خوە ل كارێن مە ناكەنە خودان بنە وەكو سپونسەر و یا ئەوان بتنێ‌ جهێ‌ دەستخوەشیێ‌ یە، لەورا دبینم ئەز ل كەنالێ‌ خوە یێ‌ یوتیۆبی بەلاڤكەم باشترە و د سەر هندێ‌ را سترانێ‌ دەمە تیڤی و رادیۆیان، لەورا سترانبێژ یێ‌ نەچارە كارێن خوە ل یوتیوبێ‌ خوە یێ‌ تایبەت بەلاڤ بكەت.
ل دووماهیێ‌ گۆت: من ئەو بزاڤە نەكریە بچمە دەواتان، ژ بەر كو من كارێ‌ خوە یێ‌ تایبەت هەیە و سترانبێژێن مە بتنێ‌ كارێ‌ هونەری دكەن دنەچارن بچنە دەواتان و دبینم نەهونەرە ب رێڤەدبەن و ئەو ژی دزانن، بەلێ‌ كاودان وەسا دخازن و د سالەكی َدا هەتا سێ‌ كلیپێن باش سترانبێژ چێكەت دهێتە هەمبەری ئەلبۆمەكا هەشت تراكی، بەلێ‌ هەر سترانبێژ هەر پێدڤی بەرهەم و روونشتن و ئاهەنگایە و دڤێت سترانبێژ نە راوەستیت و یێ‌ بەردەوام بیت ل گەل هونەرێ‌ خوە و هەكە هەر پارزینكێ‌ خەلكی ل ملێ‌ مرۆڤی بیت پا ئەو چ كارە مرۆڤ دكەت.

کۆمێنتا تە