سترانێن نوكە پتر یا وان ژ ئاوازێن بیانی دهێنە وەرگرتن
سۆلین سلێمان:
هونەرمەندێ بەرنیاس (پەیوەند جاف) كو خەلكێ پارێزگەها هەلەبجەیە و پتری (32) سالانە ئاكنجیێ وەلاتێ (سوید) ە، د دیدارەكێ دا بۆ رۆژنامەیا ئەڤرۆ گۆت: دەمێ ئەز زاڕۆك من گەلەك حەزدكر ببمە سترانبێژ و بگەهمە ڤی ئاستێ نوكە ئەز تێدا، خۆشحالم كو گەهشتیمە حەزا خوە و ب خزمەتا خوە بۆ هونەرێ كوردی یێ خۆشحالم.
هەروەسا گۆت: هەتا نوكە من چار ئەلبۆمێن سترانان، ل گەل هژمارەكا كلیپان بەلاڤكرینە و سوپاس بۆ خودێ هەتا ڕادەیەكێ باش جهێ خوە دناڤ خەلكی دا كرینە، لێ ب مخابنی ڤە دێ بێژم سترانێن نوكە پتر ژ ئاوازێن بیانی هاتینە وەرگرتن، لەورا ژیێ وانژی گەلەكێ كێمە و زوو دمرن، لێ بەرێ هوسا نەبوو، لەورا هەتا نوكە ژی خەلكەك گوهداریا سترانێن بەرێ دكەن، لەورا پێدڤیە سترانبێژ پتر گرنگیێ ب ئاوازێن خۆمالی بدەن، دا بەر ب قوناعێن باشتر بچن و ئەز گەلەك داخباری دەنگێ هونەرمەندێ مەزن (مەزهەرێ خالقی) مە، هەروەسا گەلەك حەزژ ژەنینا پیانۆیێ دكەم.
