سیپهل عیسا: ژبلی باشییا وهرزشێ دهروونێ ئافرهتێ ژی ئارام دكهت
سندس سالح
د دیدارهكێ دا سیپەل عیسا ئەمین ڕاهێنەرا لهشجوانیێ دیاركر وەرزش نە ب تنێ بۆ لەشێ ئافرەتان باشە، بەلکو بۆ دەروونی ژی گەلەک یا گرنگە، وەکو راهێنەر من ژ زارووكینیا خوه حەزا ڤی كاری هەبوویە، دەمێ من دەست ب کارێ راهێنەراتیێ کری، مالا مە دگهل من هاریکار بوون تایبەتی دو برایێن من ژی ئهوێن وهكو من کارێ راهێنەراتیێ دکەن و زور هاریکاریا من دکهن، ئەو بوونه پشتەڤان و وان حەزا من زێدهتر لێكر.
زێدەترناڤهاتی بۆ رۆژنامهیا ئهڤرۆ گوت: ئەز دبینم یا گرنگە هەر کەسەک وەرزشێ بکەت دا کو ساخلەمیەکا باش هەبیت، ئەز دبینم نوکە ژیان بەر ب پێشکەفتنێ ڤه دچیت ب چاڤەکێ مەزن دبینن، ژبەر کو ئەو دزانن کێشا زێدە ئاریشهێن زێدە دروست دکەت بۆ ساخلەمیا مرۆڤی.
سیپهل عیسا دیارکر ژی ژن پتر ژ زەلامان پێدڤی ب وەرزشێ هەیە و گوت ژی: دەمێ ئافرەت هەڤژینی پێک دئینیت و زارۆک هەبن، گەلەک ئاریشە پەیدا دبن د ساخلەمیا وان دا، نۆژدار دەرمانا ددەنێ دگەل وەرزشێ دا کو ساخلەمیەکا باش هەبیت، هەروەسا گەلەک هەنە کێشا لەشێ وان یا کێمە و زێدە نابیت، ب رێیا وەرزشێ دشێن کێشا خوه زێدە بکەن، گەلەک هەنە بۆ لەش جوانیێ دهێن.
ل دووماهیێ راهێنهرا لهشجوانیێ گۆت: مەرجێن هۆلا مە ئەون کو ل دەمێ دهێنە وەرزشێ، ئەم داخازا پشکنینێ دکەین، دڤێت ڤیتامینێن وان باش بن و نۆژدارێ رێک دابیتێ وەرزشێ بکەت، پەیڤا من بۆ هەر ئافرەتەکێ شیان هەبن و حەزا راهێنەریێ هەبیت، بلا دەستپێبکەت.
