سێ یاریزانێن كورد بۆ قارەمانییا رۆژئاڤا ئاسیا هاتنە گازیكرن
ل پایتەختێ لوبنان بەیرۆت پشككێشانا قارەمانییا رۆژئاڤا ئاسیا یا باسكێت بۆلێ ل سەر ئاستێ لاوان بۆ ژیێن كێمتر 18 سالی ب پشكدارییا حەفت هەلبژارتییان هاتە ئەنجامدان ل سەر دو كۆمان هاتنە بەلاڤكرن بڤی شێوەیی، كۆما ئێكێ، ئیراقی، ئیران، سوریا و یەمەن، كۆما دویێ لوبنان، ئوردن و فلەستین، ئەوا بڕیارە هەڤڕكیێن وێ ل 11ێ هەتا 18ێ تیرمەها بهێت بەغدا پایتەختێ ئیراقێ مێڤاندارییا وێ بكەت.
د داخویانیەكێ دا عەهد فالح بەرپرسێ پەیوەندییان ل فیدراسیۆنا باسكێت بۆلا ئیراقێ دیار كر 18 یاریزان ل دووڤ داخازا راهێنەرێ هەلبژارتیێ لاوێن ئیراق یێ تونسی ماهر خنفیر بۆ ناڤ رێزێن تیمێ هاتینە ژێگرتن و د ماوەیێ بوری دا كەڤتبوونە د كەمپەكێ راهێنانێ دا خوە بەرهەڤكرن بۆ هەڤڕكیێن قارەمانییا رۆژئاڤا ئاسیا، پێخەمەت زانینا ئاست و هێز و خالا كێماسیێ یا جەستەیی و شیانێن وان و هەمی یاریزان دێ دناڤ لیستەیا هەلبژارتیێ ئیراقێ دابن وژێگرتنا پێكهاتیێ 14 یاریزانی بۆ قارەمانیێ.
ل دووڤ ژێدەرێن تایبەت كو هەردو یاریزانێن یانەیا زاخۆ زنار هشیار و سالح فارس دگەل یاریزان كیانۆش سەربەست ژ دەبەندیخان بووینە جهێ رازیبوونا راهێنەرێ تیمێ و دێ یێن سەرەكی بن دناڤ پێكهاتیێ تیمێ دا و هەروەسان هەرسێ یاریزانێن ڕەڤەند، ئەندرێ جەلال ل ئەمریكا، بەدرەدین هیلال ژ ئوردن و جاسم سەعدۆن ل سویسرا.
بۆ زانین هەردو یاریزانێن یانەیا زاخۆ یێن ناڤهاتی شیابوون پترترین تۆماركرنا خالان بكەن و تیما لاوێن یانەیێ بەر ب رێزا دویێ ل سەر ئاستێ ئیراقێ ببەن.
