سێ‌ یاریزانێن پارێزگه‌هێ‌ د تاقیكرنێن هه‌لبژارتیێ‌ ئیراقێ‌ دا پشكدارن

سێ‌ یاریزانێن پارێزگه‌هێ‌ د تاقیكرنێن هه‌لبژارتیێ‌ ئیراقێ‌ دا پشكدارن

12

ئه‌ڤرۆ،

چاڤه‌ڕێ‌ دهێته‌ كرن ل ئه‌ینیا بهێت ب پشكداریا 91 یاریزانێن هه‌موو ده‌رڤه‌رێن ئیراقێ‌ و كوردستانێ‌ تاقیكرنێن دووماهیێ‌ بۆ ژێگرتنا باشترینان به‌ره‌ ب هه‌لبژارتیێ‌ ئیراقێ‌ یێ‌ یاریا كاراتێ‌ بۆ سیسته‌مێ‌ كومێته‌ ل باژێرێ‌ به‌غدا بهێنه‌ ئه‌نجامدان ئه‌وا سێ‌ یاریزان ژ پارێزگه‌ها دهۆكێ‌ بۆ ژیێن جودا پشكداربن.

هه‌ر ئێك ژ دلبرین هاشم و سرۆد سلێمان سه‌ر ئاستێ‌ پێشكه‌فتیان ژ یانا دهۆك و هونه‌ر جه‌بار ژ یانا سه‌نحاریب بۆ  ئاستێ‌ لاوان دێ‌ پشكداری هه‌ڤڕكیان بن ژبۆ وه‌رگرتنا پلێتا هه‌لبژارتیێ‌َ ئیراقێ‌ خوه‌ به‌رهه‌ڤكرن بۆ قاره‌مانیێن داهاتی یێن عه‌ره‌بی و نێڤده‌وله‌تی.

لدور پشكداریا یاریزانێن پارێزگه‌هێ‌ یوسف ره‌شید سه‌رپه‌رشتێ‌ تیما یانا دهۆكێ‌ بۆ رۆژناما ئه‌ڤرۆ گۆت: تاقیكرنێن ئه‌ڤ ساله‌ د جودانه‌ و دێ‌ هه‌ڤڕكیه‌كا بهێز هه‌بیت ژبه‌ركو راهێنه‌رێ‌ نوو یه‌ و خه‌لكێ‌ وه‌لاتێ‌ مسرێ‌ یه‌، ژێگرتنا یاریزانا بۆ هه‌لبژارتیێن ئیراقێ‌ سه‌ر ئاستێ‌ تازه‌پێگه‌هشتی، لاوان و پێشكه‌فتیان دێ‌ به‌رهه‌ڤی بیت بۆ قاره‌مانیا جیهانی ئه‌وا دێ‌ ل چڕیا ئێكێ‌ یا بهێت ده‌ستپێكه‌ت لێ‌ به‌ری وێ‌ پشكداری دو قاره‌مانیێن ئاسیا و رۆژئاڤا ئاسیا كه‌ن، ژ پارێزگه‌ها دهۆكێ‌ سێ‌ یاریزانێن باش پشكداری تاقیكرنا بووینه‌ كو دێ‌ لدووڤ قۆناغێن تایبه‌ت هێنه‌ كرن كو هه‌ر ئاسته‌كی بتنێ‌ دو یاریزان دێ‌ هێنه‌ ژێگرتن پشتی كه‌مپێن راهێنانێ‌ یێن نافخۆ و وه‌لاتێ‌ ئیرانێ‌ دهێنه‌ رێكخستن، ب هیڤییا وێ‌ یه‌كێ‌ یاریزانێن مه‌ پلێتا ناڤ رێزێن هه‌لبژارتیێ‌ ئیراقێ‌ وه‌ربگرن پێخه‌مه‌ت پشكداری د قاره‌مانیێن ده‌رڤه‌ دا و مه‌ باوه‌ری ب ئاست و شیانێن وان یێن هه‌ین.

کۆمێنتا تە