سەرۆكێ حوكمەتا هەرێمێ دێ بەرێ بنیاتی بۆ پڕۆژەیێ عەلوەیێن ئاكرێ دانیت
دەڤەردارێ ئاكرێ دیار كر، بڕیارە ل ڤێ حەفتیێ ب مەرەما دانانا بەرێ بنیاتی بۆ پڕۆژەكێ مەزن، سەرۆكێ حوكمەتا هەرێما كوردستانێ سەرەدانا دەڤەرداریا ئاكرێ بكەت.
د. دلاوەر بوزۆ، دەڤەردارێ ئاكرێ بۆ رۆژناما ئەڤرۆ گۆت: «بڕیارە ئەڤرۆ 11/6/2024 مەسرور بارزانی، سەرۆكێ حوكمەتا هەرێما كوردستانێ، ب مەرەما دانانا بەرێ بنیاتی بۆ پڕۆژەكێ مەزن، كو ئەو ژی عەلوا ئاكرێیە، سەرەدانا دەڤەرداریا ئاكرێ بكەت، كو تێدا جهێ بێهنڤەدانێ و پانزینخانە و گەلەك جهێن دیتر د ناڤ دا هەنە و 22 ملیۆن دۆلار بۆ وی پڕۆژەیی هاتینە تەرخانكرن».
ناڤهاتی گۆتژی: «ئەڤە دەمەكە كار د وی پڕۆژەیی دا دهێتە كرن و نوكە نێزیكی 30 بۆ 40%ێ كار تێدا هاتیە كرن و پێدڤیە د هەیاما سێ سالان دا بهێتە تەمامكرن، هەروەسا سەرۆكێ حوكمەتا هەرێما كوردستانێ گرنگیەكا زۆر ب دەڤەرداریا ئاكرێ ددەت و ئەو بخۆ دێ یێ بەرهەڤبیت بۆ دانانا بەرێ بنیاتێ ئەوی پڕۆژەیی، مە ژی هەموو بەرهەڤی بۆ پێشوازیكرنێ ل سەرۆكێ حوكمەتا هەرێما كوردستانێ كرینە».
