شۆڕەشا 26ی گولانێ‌ خوین و هێزەكا گەرم دا خەلكێ‌ كوردستانێ‌

شۆڕەشا 26ی گولانێ‌ خوین و هێزەكا گەرم دا خەلكێ‌ كوردستانێ‌

31

ئەڤرۆ

دیدار، سالار محه‌مه‌د دۆسكی:

زیندانیەكێ‌ سیاسی، بەحسێ‌ رۆلێ‌ قوتابی و خەلكێ‌ كوردستانێ‌ ل دەمێ‌ شۆڕەشا گولانێ‌ دكەت و ئەو خوین و ڤیانا گەنج و لاو ل سەر دهاتنە پەروەردەكرن.
لەزگین خەلیل ملحم پیرۆمەری، زیندانیێ‌ سیاسی دیدارەكێ‌ دا بۆ رۆژناما ئەڤرۆ گۆت: 26 /5/1976ێ‌ سەركردایەتیەكا نووی پشتی شكەستنا سالا 1975ێ‌ هاتەدانان وی دەمی ژیێ‌ من 13 سال بوو ول كوماتە دەست ب چالاكیێن خوە كر وی دەمی سەرۆك كومارێ‌ عیراقێ‌ شاندەك هنارت كو دەست ب دانوستاندنا بكەن و سەركردایەتیا كوردی رەتكر، وی دەمی رژێما بەعس هار بوو و ئەگەر فیشەكا خالی ژی ل مالەكێ‌ دیتبا توهمەتەك بۆ دروست دكر سێدارەدا وی دەمی چەند شانێن نهێنی هاتبوونە ئاشكراكرن و ئەو شانێن نهێنی پێشت پێشمەرگە بوون و دنابەرا سالا 1976 هەتا 1979 رژێما بەعس لێبورینەك دەركر و دووڤ هندەك شانێ، دی ئاشكرابوون، رێكەفتی 21/9/1981 هاتمە رێخستن ل سەر دەستێ‌ ( نزار محەمەد سلێمان) بەرپرسێ‌ شانامە یابنەكی بوو، ناڤێ‌ رێكخراوا مە (رۆژهەلات) بوو وی دەمی قوتابیێ‌ شەشێ‌ ئامادەیی بووم پشكا وێژەیی ئامادەیا برایەتی و پێشتر من و كاك نزار هەڤالینی هەبوو و دیسا ل تیپا شانوویێ‌ دا بوو و ناڤێ‌ تیپا مە (بزاڤ) بوو و تیپەكا شورەشگێری بوو پترریا ئەندامێن مە رێكخستی بوون و هەر دەم مە بەحسێ‌ كوردایەتی و پارتایەتیێ‌ دكر.
لەزگین خەلیل پیرۆمەری گۆتژی: لدووڤ داخازا من ژ هەڤالێن مەیێن رێكخستنێ‌ من داخازا رۆژناما كر و رۆژناما مەتین ژ لقێ ئێك دەردكەفت گەهشتە دەستێ‌ من و دەنگ و باسێن شۆڕەشا 26ێ‌ گولانێ‌ تێدا دهاتنە بەلاڤەكرن و ی دەمی مە چەندین چالاكرن و بەلاڤوك هلاویستن ل تاخێ‌ شەهیدان و مەرەم ژ ئەڤێ‌ چەندێ‌ ئەو بوو دیار بكەین كو ئەم یێن هەین و كومبوونێن مە زێدەتر سەرپێ‌ بوون و گەلەك جاران ژی كومبوونا دچووینە گوندێ‌ خرابی و كومبوونێ، مە دبەردەوام بوون و چ جارا مە ئەو تشت نە دكر كو زیان بگەهیتە مللەتێ‌ مە و خەلكێ‌ مە گەلەك دكەیف خوش بوون.
هێشتا گۆت: قوتابیێ، ئامادەیا برایەتی 90% شورەشگێربوون و پتریا قوتابیێن وێ‌ نوكە ئەندام و كادرێن حزبی و حوكمی و خزمەتێ‌ دهەمی بیاڤان دا دكەن .
لەزگینی گۆت: شانامە یا رێكخستنێ‌ هاتە ئاشكراكرن چونكە كەسەك ل گەل مەبوو و ل گەل حوكمەتا بەعس ژی بوو و یێ‌ دو لایەن بوو و گەلەك چاڤدێری دانا بوو سەر مە و گەلەك دیفچوونا مە دهاتەكرن 30/8/1982ێ‌ كاك ئازاد مجید سلێمان بووتی ئاگەهداركرم كوكومبوونەك مە هەیە ل گوندێ‌ خرابی یا و نیڤرۆ یا دەمژمێر 11 چووینە سەر كانیەكێ‌ ئێكسەر هاتینە گرتن ژلایێ‌ چەكداران ڤە و هاتینە رەوانەكرن بۆ سیارەتیكا و دووڤ دا سەرسنگ و دووڤدا ئەمنا سەرسنگ و بەردەوام ڤەكولین ل گەل مە دهاتەكرن و پشتی چەندەكێ‌ هاتینە رەوانەكرن بۆ ئەمنا هەوار هاتنێ‌ ل دهۆكێ‌ و چار شەڤ و چار رۆژان ڤەكولین ل سەر مەبوو و بەردەوام قوتان و مە خواست مە بكوژن باشتر بوو ژ وێ‌ قوتانا ل گەل ڤەكولینێ‌.
زیندانیێ‌ سیاسی، لەزگین خەلیل ملحەم گۆتژی: ئەو كەسێ‌ ئەم ئاشكراكرین ناڤێت مە دابوونە ئەمنێ‌ و ئەو هاتن ناڤێت شانامە خر گۆتن و هەتا ناڤێن نهێنی ژی گۆتن من گۆتێ‌ مادەم هین زانن دێ‌ مە ب كوژن بوومە خوشترە گۆت نە دێ‌ هەوە رەوانەكەین یۆ ئەمنا شۆڕەشێ‌ بۆ بەغدا و كەركووكێ‌ و من ڤەكولینا دا دیاركر كو بتنێ‌ مە كومبوون دكرن و بەلاڤە دكرن و نوزانم چەكی ب هاڤێژم چونكە هێشتا 18 سالی بوووم، ئەم (19) كەس بۆ كەركووكێ‌ رەوانەكرین و ب شەق و پێن برین و دو كەسێ، دی ل زیندانێ‌ دا هەبوون و پێشتر هاتبوونە دەستە سەركرن و مە باوەری پێ‌ نەبوو چونكە ل كومبوونێن مە دا هاتبوو دیاركرن كو ئەگرە جارەكێ‌ هاتنە دەستەسەركرن هشیاری ئەڤان جورە كەسان بن و لەوما من خواست نەخشێ‌ ئاڤاهی بوومن شرۆڤە بكەت چونكە دەمێ‌ مرۆڤی دەتێخن چاڤ دگرتی نە و مرۆڤ دڤێت بچیت و گەلەك جاران مرۆڤ دەرجا دا دكەڤیت یان دێ‌ ل عەردەكێ‌ بلند دا هاڤێژن و ئەو ژی ئەو جه بوومن شرۆڤەكر وەك نەخشێ‌ دەركەفتنێ‌ ژ ژوورێ‌ و دیسا گازیكرین و بەردەوام ڤەكولین ل گەل من هاتەكرن و هەیڤەك و دو رۆژا مامە دژوورەكێ‌ ڤە و گەلەك یا تەنگ بوو و بتنێ‌ تێڤە بووم، دووڤ دا هاتینە رەوانەكرن بۆ بنگەهێ لەشکریێ كەركووكێ‌ و دیسا ڤەكولین بەردەوام بوو وبتنێ‌ كەسەك تێڤە بوو و و دو هەیڤان مامە وێ‌ ژوورێ‌ ڤە و بەردەوام قوتان و فەلاقەدان و كارەب و ئەم 36 كەس تێڤە بووین، دووڤ دا برینە ژوورا دادگەهێ‌ ڤە 36 تێڤە بووین و بیرهاتنێن زیندانیان و ناڤێن زیندانیان ل سەر دیواران بوو و بەری 1982 سەرۆكێ‌ دادگەهێ‌ دا هێـتە ژوور و هەر ل ژوور بریار و لدیف دلێ‌ خوە دا و هەمی سێدارەدان و هەتاهەتایێ‌ بریار ل سەر دهاتەدان و بەری دادگەهێ‌ سەرێ‌ مرۆڤی پنی دكر و رێكەفتی 27/11/1982 هاتینە رەوانەكرن بۆ بەغدا ل نێزیك یاریگەها شەعب و كولیژا پولیسی دا و چەند هەیڤ بوو مە تێر خوارن نە خواری و هندەك سەمون ئینان هەر ئێكسەر مە 36 مرۆڤان هەمی خوارن و پشتی زانی ژ كەركووكێ‌ هاتینە دووڤ دا هاتینە رەوانەكرن بۆ هولەكا دی و دووڤ دا هاتینە كەركووك ڤە و دووڤ دا هاتنیە بەغدا ڤە و ڤەكولین بەردەوام بوو هەتا 19/6/1983ێ‌ ئەم حەفت جارا چووینە دادگەهێ‌ و ڤەكولینێ‌ و بەری دادگەهێ‌ مە بكەن كومەك بەرا مە چووبوون ب پێلاڤ و نەعال و دەمێ‌ دادگەهێ‌ بریارا سێدارەدانێ‌ بۆ دەركری ئەوان پێلاڤێن خوە ل دادوەری وەركربوون لەوما دەمێ‌ ئەم چووین ئەم پێخاس كرین و وەرگێرێ‌ مە ئێكێ‌ فەیلی بوو، سەرۆكێ‌ دادگەهێ‌ (عواد بەندەر) بوو و پشتی ڤەكولین ل گەل مە هاتیەكرن وی دەمی ئەم شەش كەس بووین و هەڤالەكێ‌ مە عەرەبی زانی و خواست ئەو باخڤیت و دووڤ دا سەرۆكێ‌ دادگەهێ‌ خواست مە ببنە پزیشكی دا بۆ دیاركرنا ژیێ‌ مە و پشتی برین دیاربوو ژیێ‌ مە ژ ناسنامێ‌ ژی بچیكترە و دوبارە برینە پزیشكی داد ڤە ل سەر داخوازا دادگەهێ‌ ب هەمان ئەنجام ڤەگەراندینە ڤە و رۆژا دادگەهێ‌ پارێزەرەك ژی ئینابوو وێرێ‌ كو دێ‌ بەرەڤانیێ‌ ژ مە كەت و ئەو دگۆتە دادگەهێ‌ ئەڤە بچوویك بوون و نەزانی و هاتینە سەردابرن و مە پێ باشە دلوڤانیێ‌ پێ‌ بەن، عەلی محەمەد عەلی بێسری بریارا سێدارەدانێ‌ بۆ دەركر و ئەم ئەڤ پێنجێن دی هەتا هەتایێ‌ هاتینە زیندانكرن وی دەمی گەلەك بوومە نەخوش بوو ودووڤ دا بۆ زیندانا ئەبو غرێب هاتینە رەوانەكرن و زیندانەكا گەلەك مەزن بوو و یا بەرفرەه و رۆژا 20/6 كەسەكی دگۆتنێ‌ مەلازم ئەبو عەلا بەرپرسێ‌ پێنوسێ‌ 5000 هزار كەسان بوو گازی من كر و دەمێ‌ ڤەكولین كری و نڤێسی و گەهشتە دووماهیێ‌ گوتە من تو ژ كیش گرۆپی من گۆتێ‌ (مەسعود بارزانی) ئەو رابوو شپێرڤە و گوت سەر سەرێ‌ من و من گۆت ئەڤە یێ‌ یاری و ترانا ب من دكەت و دووڤ دا هاتنیە بەلاڤەكرن ل سەر پشكان و دووڤ دا دیار بوو كو ئەو كەس گەلەك داخبارێ‌ كەسایەتی یا سەرۆكی بوو، دیاربوو كو بنەمالا بارزان نەبتنێ‌ دناڤ كوردان دا بەلكو دناڤا عەرەبان ژی دا گەلەك كارتێكرنا خوە هەبوویە و یا كری بۆ كێشا ڤی مللەتی.
لەزگین خەلیل ملحەم پیرۆمەری گۆتژی: سالا 1988 بریارا لێبورینێ‌ هاتە دەركرن و مە باوەری نەبوو دێ‌ ژ مەگرت چونكە پێشتر گەلەك لێبورین هاتبوون و ژ مە نەگرت بوون و پشتی مە دیفچوون كری ژ مە گرت و بتنێ‌ ژ ئێزدی و مەسیحی یا نەگرت چونكە رەگەزنامێ، وان كربوونە عەرەب و 14/9/1988 دەمژمێر بەری چارێ‌ ناڤێ‌ من هاتە خواندن و ئەز هاتمە ئازادكرن و شەش سال و هەیڤەك و 15 رۆژان مامە ل زیندانێ‌ دا.
لەزگین خەلیل ملحەم پیرۆمەری گۆتژی: پشتی ئازادكرنێ‌ من ب رێكا ئازادی خواست بگەهینە شۆڕەشێ‌ ڤە و برێكا عزەدین زێوكی ناڤێن مە بۆ لقێ ئێك هاتنە بلندكرن و ب پەیوەندیێن خوە چەك ب دەست مە كەفتن و مە پشكداری ل سەرهلدانێ‌ دا كر.
لەزگین خەلیل ملحەم گۆت: شۆڕەشا گولانێ‌ ب هزرەك و خوینەكا نووی هاتە مەیدانێ‌ و هیڤی بۆ خەلكی دروست بوونە ڤە و راستە سەركردایەتیەكا بەروەخت بوو لێ‌ هەمی لدیف فەرمانا خودێ‌ ژێ‌ رازی بارزانی بوو، مە شۆڕەشا ئەیلولێ‌ گولێ‌ ببوو و دەمێ‌ تێكچووی ئەوی خەلكێ‌ وی دەمی هزر دكر كو ئێدی كوردینی دروست نابیت بەلێ‌ دەمێ‌ و شۆڕەشا 26ێ‌ گولانێ‌ دروست بووی گەرمتر هات و پتر پەیوەندی هەبوو و ب چەكێ‌ نووی بوو و كادرەكێ‌ زیرەك و گەنج بوون و شۆڕەشا گولانێ‌ پتر قوتابی بوون و پتر ناف باژێران دا بوون.
ل دووماهیێ‌ زیندانیێ‌ سیاسی لەزگین خەلیل ملحەم پیرۆمەری گۆت: هیڤی خوازم مللەتێ‌ مە ئێكگرتی بیت و چونكە ب ئێكگرتنێ‌ مللەتێ‌ كورد دگەهیتە هەمی هیڤی و ئومێدێن خوە و خودێ‌ ژیێ‌ سەرۆك و سەركردایەتی یا مە درێژ بكەت.

کۆمێنتا تە