شێوازێ كاركرنا من كلاسیكە
سولین سلێمان:
شێوەكار (هەژار مەحمود) د دیدارەكێ دا بۆ رۆژناما ئەڤرۆ دیاركر كو ئەو دەرچۆیێ پەیمانگەها هونەرێن جوان/پشكا شێوەكاری یە، لێ حەزژێكرنا وی بۆ چێكرنا كەڤالان بۆ بەری چەندین سالان دزڤڕیت.
هەژاری گۆت: دەمێ ئەز یێ بچووك من هەردەم من دگۆت خوزی دەمێ مەزن دبم ببە شێوەكار، سوپاس بۆ خودێ و مالباتا من و ماموستایێن من خوزیا من بجه هات و ئەڤرۆ ب كارێ خوە دلخۆشم و ل دەمێ چێكرنا هەر كەڤالەكی ئارام دبم، شێوازێ كاركرنا من ژی كاركرنا كلاسیكی یە و من ئەو شێواز بۆ كێشانا وێنەیان هەلبژارتیە، بۆ زانین هەتا نوكە من بەس ئێك پێشانگەها تایبەت ڤەكریە، ئەو ژی ل سالا 2011 بوو، هەروەسا من هژمارەكا كەڤالێن خوە ژی فرۆتینە، لێ هێشتا نەشیایمە ب داهاتی هونەری ژیانا خوە باشتر لێبكەم و ئەڤە كێشەیا پتریا هونەرمەندانە، لێ هونەرمەندێن مە شیاینە هونەرێ كوردی بەر پێشڤە ببەن.
