شێوه‌كاره‌كێ كورد پشكداری د پێشانگه‌هه‌كا نێڤده‌وله‌تی دا كر
دهۆك، زنار تۆڤی:
هونه‌رمه‌ندێ شێوه‌كار (ئاریان له‌تیف) كو ژ باژێرێ سلێمانیێ یه، د دیداره‌كێ دا بۆ رۆژناما ئه‌ڤرۆ دیاركر كو ب دو كه‌ڤالان وی پشكداری د پێشانگه‌هه‌كا شێوه‌كاری یا نێڤده‌وله‌تی دا كر، ئه‌وا به‌ری چه‌ند رۆژان ل باژێرێ به‌یروت پایته‌ختێ وه‌لاتێ لوبنان هاتیه ڤه‌كرن و (107) هونه‌رمه‌ندێن پشكدار ژ پرانیا وه‌لاتێن جیهانێ دوێ پێشانگه‌هێ دا د پشكداربوون و بۆ ده‌مێ سێ رۆژان یا ڤه‌كری بوو، هژماره‌كا زۆرا هونه‌رمه‌ند و هونه‌ردوست و ره‌وشه‌نبیران سه‌ره‌دانا پێشانگه‌هێ كرن.
ناڤهاتی گۆت: ناڤه‌رۆكا كه‌ڤالێن من ل دۆر ژینگه‌هێ و سرۆشتێ جوانێ كوردستانێ بوون و ڤه‌كرنا ڤان جۆره پێشانگه‌هان ئه‌ز گه‌له‌ك ب گرنگ دبینم، چنكو هژماره‌كا زۆرا شێوه‌كاران ل پێشانگه‌هێ د به‌رهه‌ڤ بوون و ئه‌ڤه چه‌نده بۆ ئه‌گه‌ر كو پتر تێكه‌لی و هه‌ڤنیاسین د ناڤبه‌را مه و چه‌ندین شێوه‌كارێن بیانی په‌یدا ببیت.
