شەرمكرن دبیتە ئەگەر گەنج هەست ب كێماسیێ و خۆ كێم دیتنێ بكەن

شەرمكرن دبیتە ئەگەر گەنج هەست ب كێماسیێ و خۆ كێم دیتنێ بكەن

10

بێوار حەمدی:

پێدڤییە بێهنا هەموو گەنجان یا فرەهبیت و بەردەوام بزاڤان بكەت خۆ ژ شەرمینیێ دوور بكەن و خۆ دگەل گوهۆڕینان بگۆنجینن، دەرونناسەكی ژی گۆت: گەنجێ شەرمین زوو ب زوو نەشێت تێكەلیا خەلكی بكەت و گەلەك جاران سەرا تشتێن بچووك بخەم دكەڤیت.

نەجمەدین بەدرەدین، شیرەتكارێ دەرونی یە د دیدارەكێ دا بۆ رۆژناما ئەڤرۆ گۆت: ب شێوەیەكێ گشتی ئەو كەسێن هەستا شەرمینیێ ل دەڤ هەی ئەون یێن گەلەك د هەستیار و نازك و ئەڤ هەستە وەدكەن ئەو ژ بۆ تشتێن بچووك ب خەم بكەڤن و ب تایبەتی ژی گەنج و گۆت: (یا باش نینە هەتا مرۆڤ ژ خەلەتیێن خۆ ژی شەرم بكەت، بەلكۆ دڤێت شەرم ژ دووبارەكرنا وان بكەت).
شیرەتكارێ دەرونی هێشتا گۆت: ژ وان ساخلەتین شەرمینیێ یێن ل دەڤ گەنجان پەیدا دبن وەكۆ ( باهرا پتر حەز ژ ب تنێ بوونێ دكەن یان هەست ب كێماسیێ دكەن و خۆكێم دبینن) لەوما ژی د ڤی حالەتی دا هندەك نیشان ل دەڤ وان پەیدا دبن وەكۆ (سۆربون، خۆهدان، لەرزین، لێدانا دلی یا زێدە، هشكبۆنا دەڤی، گرانبونا ئاخفتنێ).
د بەردەوامیا ئاخفتنا خۆدا دەرونناسی دیاركر، گەلەك ڕێ هەنە ژ بۆ چارەسەركرنا شەرمینیێ وەكۆ (باوەری ب خۆ بوون، تێكەلیا خەلكی و خۆرتكرنا پەیوەندیان، قەبۆلكرنا ڕەخنەیان، خۆ ئامادەكرنا ل بەر خۆدیكێ ژ بۆ دانۆستاندنێ، خواندنا پەرتوكان ژبۆ زێدەبونا زانیاریان) و گۆت: ئەز دبێژمە هەموو گەنجان بلا بێهنا هەوە یا فرەهبیت ژ بۆ هەر گۆهۆڕینەكێ و نە ب شەڤ بێژن ئێدی شەرمێ ناكەم و سپێدی هەر وەكۆ خۆبن، ژبەركۆ گوهۆڕینێ‌، دەم و بێهنفرەهی پێ دڤێت و دڤێت كار ژ بۆ بكەین.

کۆمێنتا تە