فرەنسا و بریتانیا چاڤەرێی رێککەفتنێ نە
سەرۆکێ فرەنسا و سەرۆک وەزیرێن بریتانیا د پرێس کۆنفرانسەکێ دا دیار کرن هەکە رێککەفتنا ئاشتیێ د ناڤبەرا رۆسیا و ئۆکرانیایێ دا بهێتە ئیمزا کرن هەر دو وەلاتێن فرەنسا و بریتانیا بەرهەڤن هێزێن خوە رەوانەی ئۆکرانیایێ بکەن.
سەرۆک وەزیرێن بریتانیا دیار کر، هەکە رێککەفتنا ئاشتیێ ل گەل رۆسیا بهێتە ئیمزا کرن وی دەمی بریتانیا و فرەنسا دێ هێزێن سەربازی رەوانەی ئۆکرانیایێ کەن و وان دڤێت بنگەهێن سەربازی ل هەموو ئۆکرانیایێ ئاڤا بکەن دا رێ نەدەن جارەکا دی رۆسیا ئێرشی ئۆکرانیایێ بکەت.
بەرپرسەکێ ئۆکرانیایێ ژی دیار کریە، ئەو نێزیکی رێککەفتنێ ل گەل رۆسیا بووینە و ئەمریکا ل گەل وەلاتێن ئێکەتیا ئۆرۆپا کار دکەن دا رۆسیا ژی رازی بیت رێککەفتنا ئاشتیێ ئیمزا کەت، چونکی رێککەفتنەکا ئاشتیێ د ناڤبەرا ئۆکرانیا و رۆسیا دا بۆ هەموو جیهانێ گەلەک گرنگە، ب تایبەتی ژی نها ژ بەر شەڕی گەلەک ئالۆزی ل جیهانێ دروست بووینە.
