فشارا یارییان كارتێكرنا نەرینی دروست كرییە
حاجی دۆسكی
خولا ستێرین ئێراقێ دهێتە هژمارتن ئێك ژ خولێن هێز لسەر ئاستێ وەلاتێن دەوروبەر هەتا ڕادەیەكی پێشكەڤتنەك بخۆڤە دیتیە تایبەت ژلایێ ژێرخانا وەرزشی و كارئینانا سیتەمێ(ڤار) دهێتە ڤەگوهاستن برێكا چەند دەزگەهێن هەر باش لسەر ئاستێ وەلاتێن عەرەبی و هەبوونا هژمارەكا باش ژ یاریزانێن پێشەكار و ڕاهێنەرا دناڤ خولێ دا، ئەڤ خالە بوونە ئەگەر ببیتە خودان بینەر و جەماوەرەكێ مەزن بتایبەت ژ یانەیێن هەرێما كوردستانێ هەولێر، دهوك، زاخۆ و نەورۆز رەوشەك بۆ ڤێ خولێ پەیداكریە، ڕێزبەندییا ئاسیا یا ڤێ دووماهی یێ خولا ئێراقێ پێشڤە هاتە ڕێزا سێزدێ ژ ئەگەرێ ئەنجامێن خراب یێن یانەیێن زەورا و شورتە دقارەمانیێن ئاسیا دا، لێ بو وەرزێ 2025-2026 هەردەسپێكی دیاربوو سستییەك دریَِڤەبرنا خولێ دا هەیە ئەوژی چەندین جار خول تووشی راوەستاندنێ بوویە ژ ئەگەرێ پشكدارییا هەلبژارتیێ ئێراقێ دڤارڤارتنێ موندیالا 2026 دا كو نێزیكی بیست روژا خول هاتە ڕاوستاندن ژ ئەگەر پشكدارییا ئێراقی دقارەمانییا عەرەبی دا.
هەمی خولێن جیهانێ هەتا 1-6-2026 دێ بدووماهی دهێن، بوویە ئەگەر لژنەیا بەریكانەیان ل فدراسیۆنا ئێراقێ كەڤتیە لبن گڤاشتنێ دا ئەو بۆچوونێن وان دارێشتین كو خول ببیتە دو كۆم یان ژی هەر چار رۆژا یارییەك بهێتە كرن، ل دووماهیێ بڕیارا بۆچوونا دویێ هاتەكرن كو ب ڕازیبوونا پترییا یانەیان بوو، خول بڤی شێوەی لدووڤ پلانێ دێ بەری ژڤانێ دیاركری بدووماهی هێت، لێ ئەڤ شێوازە دێ كارتێكرنا خراب لدووڤ خوە هێلیت تایبەت یانە دێ تووشی ئاستەنگان بن، گڤاشتن لسەر ڕاهێنەر و یاریزانان هەبن ب یەكەیێن ڕاهێنانێ و هاتنۆچوونا تیمێ بۆ باژێرێن دی زێدەباری یاریزانێ ئیراقی ئەو شیانێن جەستەیی نیننهەتا 72 خولەكان ژی یاریێ بكەت، هەرچەندە دەلیڤە بۆ زێدەكرنا یاریزانان هاتیەدان لێ باوەرناكەم ئەو یاریزان ئاست بلندبیت، لەوما زیدەكرنا وان بێ مفایە، هەبوونا خولێ ب شێوازێ دو كۆما باشتر بوو و دا گڤاشتن لسەر یانەیان كێمتربا و دەلیڤە بۆ ڕاهێنەرێ ئیراقێ باشتر بیت.
