فلمه ڤیسته‌ڤال، ناسنامه‌یه‌ك بۆ دهۆكێ
دلدار محه‌مه‌د
پشتی چه‌ند رۆژێن دی، فلمه فه‌ستیڤالا دهۆكێ دێ ده‌رگه‌هێن گه‌را خوه یا ده‌هێ ڤه‌كه‌ت، گه‌له‌ك جاران ل ڤێره و وێرا هه‌نێ پرسیارا، بۆچی فلمه ڤیسته‌ڤال دهێته بهیستن بۆ نڤێسه‌ری و خودانێن پێنڤیسان یا باش و جوان نینه په‌سن به‌رهه‌مێ وان بیت، چونكی به‌رهه‌مێ په‌سنێ ب خۆكوشتنا وه‌رارا جوانیێ یه یان ژی هانده‌را به‌رده‌وامی دانا كرێتیێ یه، به‌لێ ئه‌گه‌ر لۆژیك دگه‌ل ڤێ په‌سنێ بیت هینگی دێ بیته دیتنه‌ك ده‌رباره‌ی ڤه‌رێژا كه‌ده‌كا هزری، ئه‌رێ فلمه فیسته‌ڤال شیایه د ڤان ده‌ه سالان دا، گه‌له‌ك مێڤانان هه‌مبێز بكه‌ت؟ ئه‌رێ شیایه دهۆكێ ب جوانیێن چیایێن وێ ڤه بكه‌ته لۆكێشنێ فلمان، شیایه وه‌ك جوانیه‌ك جهێ خوه د ناڤ مێشكێن وان بیانیان دا بكه‌ت، دهۆك شیایه ئه‌ڤێ فلمه فه‌ستیڤالێ ب یا خوه بزانیت، كۆڕ و كچێن دهۆكێ شیاینه ببێژنه جیهانێ ئه‌م ژ كاروانێ هزری و ره‌وشه‌نبیری نه د ڤه‌قه‌تیاینه به‌لكو ل رێزێن پێشییێ جهێ مه یێ دیاره؟
ئه‌گه‌ر فلمه فه‌ستیڤالێ شیابیت به‌رسڤا ڤان پرسیاران یان چنه‌بیت هنده‌ك ژڤان پرسیاران ب(به‌لێ) دابیت كو ب دیتنا من ئه‌گه‌ر ب رێژه‌یی ژی بیت شیایه ڤێ بكه‌ت، هنگی ئه‌و دێ شێت ببیته ناسنامه‌یه‌ك یان پشكه‌كا ناسنامه‌یا ڤی باژێری و ڤی وه‌لاتی، له‌وما یا گرنگه لسه‌ر ملێن مه تاك تاكێن ڤی باژێری و حوكمه‌ت ب هه‌می سازیێن خوه‌ڤه بۆ ده‌مێن بهێن ژی ل به‌رده‌وامیا ڤێ فلمه ڤیسته‌ڤالێ خودان ده‌ربكه‌ڤن، داكو ئه‌گه‌ر چ نه‌هێته زێده‌كرن ژی هه‌ر چنه‌بیت ئه‌ڤا هه‌ی و هاتیه‌كرن بهێته پاراستن و ببیته پشكه‌ك ژ دیرۆكا جوانیێن ڤی باژێری و هه‌ر وه‌سا ناسنامه‌یه‌ك بۆ مانێ د بیردانكا جیهانێ دا چ ئه‌ڤرۆ چ ژی سباهیێن دویر نێزیك.
