فلمەفەستیڤالا دهۆكێ‌ شیایە هەموو سینەماكارێن كورد ل جهەكی‌ كۆمڤە بكەت

فلمەفەستیڤالا دهۆكێ‌ شیایە هەموو سینەماكارێن كورد ل جهەكی‌ كۆمڤە بكەت

7

زنار توڤی:

ئەكتەرەكا رۆژهەلاتێ‌ كوردستانێ‌ یە، هەتا نوكە پشكداری د چەندین كارێن سینەمایی دا كرییە و ئەڤ سالە مێهڤانا گەرا دەهێ‌ یا فلمە فیستەڤالا دهۆك یانێڤدەولەتیە، د دیدارەكێ‌ دا بۆ رۆژناما ئەڤرۆ دیار كر: فلمە فیستەڤالا دهۆكێ‌ شیایە بەرێ‌ خەلكێ‌ مە بدەتە هۆلێن سینەمایێ‌ و تەماشەیی فلمێن كوردی و بیانی بكەن، ئەڤە بخۆ سەركەفتنەكە ژبۆ فلمە فیستەڤالا دهۆكێ‌، دیسان فلمە فیستەڤالا دهۆكێ‌ شیایە خەلكێ‌ و سینەماكارێن كورد ل جهەكێ‌ كۆمڤە بكەت، د هەمان دەمدا پشكداریا مە د ڤێ‌ فلمە فیستەڤالێ‌ دا جهێ‌ شانازیەكا مەزنە بۆ من، چونكی ب رێیا ڤێ‌ فیستەڤالێ‌ ئەم سینەماكارێن كورد و بیانی دبینین، ئەڤ چەندە هەستەكێ‌ خۆش لدەف مرۆڤی پەیدا دكەت.
ناڤهاتییێ‌ گۆت ژی: بۆ سالا بهێت من لبەرە وەكو ئەكتەر پشكداریێ‌ د هندەك كارێن سینەمایی دا بكەم و ئەز خۆ گەلەك سەر بلند دبینم، كو بشێم وەكو ئەكتەرەكا كورد پشكداریێ‌ د كارێن سینەمایی یێن كوردی دا بكەم و هەردەم من ڤیایە خزمەتا سینەما كوردی بكەم و د هەمان دەمدا ئەز كارێ‌ دیزاینا جلكان ژی دكەم، بەلێ‌ بۆ من خۆشترین كار ئەوەن ئەز وەكو ئەكتەر كار بكەم و خزمەتا هونەرێ‌ كوردی بكەم.

کۆمێنتا تە