فیدراسیۆنا تەپا پێی یا ئیراقێ‌: ژڤانێ‌ خولا پیشەكاران ناهێتە گوهۆڕین و...

فیدراسیۆنا تەپا پێی یا ئیراقێ‌: ژڤانێ‌ خولا پیشەكاران ناهێتە گوهۆڕین و یێ‌ مەرجێن رێپێدانێ‌ ب جهـ نەئینت دێ‌ هێتە دووركرن

104

فیدراسیۆنا تەپا پاپێی یا ئیراقێ‌ دۆپاتی ل سەر بڕیارا دەستپێكرنا وەرزێ‌ نوو یا خولا پیشەكاران كرییە و دیاركر ئەو یانەیا مەرجێن رێكپێدانێ‌ ب جهـ نەئینت مافێ‌ پشكداریێ‌ نابیت و دووماهی ژڤان ژی هاتیە دیار كرن.
ئەحمەد عودە ئەلموسەوی پەیڤدارێ‌ راگەهاندنا فیدارسیۆنێ‌ بۆ دەزگەهێن راگەهاندنێ‌ گۆت: ئەو پلانا بۆ وەرزێ‌ نوو یا خولا پیشەكاران و سیستەمێ‌ نوو هاتییە دانان فیدارسیۆن یا رژدە بجهـ بهێت پێخەمەت پێشئێخستنا وەرزشا ئیراقێ‌، پشكدارییا یانەیان د خولێ‌ دا دیار نینە هەتا 15چڕییا ئێكێ‌ یا بهێت كو دووماهی ژڤانێ‌ بجهـ ئینانا مەرجێن رێپێدانێ‌ یە و دووڤدا دێ‌ هژمارەیا یانەیان دیاربیت، چو ئاریشە نینە هەكە خول ب 16 یان ژی 14 یانەیان دەستپێ بكەت، لژنەیا هەلسەنگاندنا فیدراسیۆنا ئاسیا دێ‌ هژمارەیا یانەیا دەستپێنشانكەت پشتی راپۆرتا خوە یا دووماهیێ‌ پێشكێشی فیدارسیۆنا تەپا پێی یا ئیراقێ‌ دكەت.
هەروەسان ناڤهاتی دیار كر كو ژڤانێ‌ دەستپێكرنا خولێ‌ نە هاتییە گوهۆڕین ئەوژی 20ـێ‌ چریا ئێكێ‌ یا بهێت بیت، لەوما دڤێت یانەیێن وەرزشی كارێ‌ خوە ب رژدی بكەت و هەمی پێدڤی و مەرجێن رێپێدانێ‌ بجهـ بینن ژبۆ پشكداریێ‌ و ئەو یانەیا بجهــ نە ئینت دێ‌ ژ خولێ‌ هێتە دووركرن ژبەركو بڕیار یا فیدارسیۆنا ئاسیایە و جوداهیێ‌ دناڤبەرا چو یانەیان دا ناكەت، ژبەركو ئەو پرۆژەیێ‌ فیدارسیۆنا ئیراقێ‌ دگەل سەرۆكێ‌ دەستەیا خولا ئسپانیا هاتیە دانان ل دووڤ سیستەمێ‌ نێڤدەولەتی یا فیفایی یە و مەرەما فیدراسیۆنا ئیراقێ‌ پێشكەفتنا وەرزشا تەپا پێی یە.

کۆمێنتا تە