قارەمانییا فوتسالا ئیراقێ‌ ژ پارێزگەها دهۆكێ‌ بۆ بەغدا هاتە ڤەگوهاستن

قارەمانییا فوتسالا ئیراقێ‌ ژ پارێزگەها دهۆكێ‌ بۆ بەغدا هاتە ڤەگوهاستن

4

قەیس وەیس،

ب فەرمی لژنەیا فوتسالا ئافرەتان ل فیدراسیۆنا فوتبۆلا ئیراقێ‌ بڕیاردا قارەمانییا وەرزێ‌ ئەڤ سالە یا فوتسالێ‌ ل سەر ئاستێ‌ پێشكەفتیان ژ كوردستانێ‌ ڤەگۆهێزنە بەغدا ئەوا بڕیارە هەڤڕكیێن وێ‌ ل 25ێ‌ ڤێ‌ مەهێ‌ ب پشكدارییا 11 یانەیان ل سەر ئاستێ‌ كچان بهێتە كرن.
تبراس كامل سەرۆكا لژنەیا فوتسالا ئافرەتان دیار كر پشتی كۆمبوون ل بارەگایێ‌ فیدراسیۆنا فوتبۆلا ئیراقێ‌ هاتیە كرن تێدا چەند بابەت هاتنە گەنگەشەكرن ل دووماهیێ‌ بڕیار هاتە دان قارەمانییا وەرزێ‌ ئەڤ سالە یا یارییا فوتسالێ‌ ل سەر ئاستێ‌ پێشكەفتیان ل بەغدا پایتەختێ‌ ئیراقێ‌ بهێتە كرن ل 24ێ‌ ڤێ‌ مەهێ‌ دێ‌ كۆمبوونا هونەری هێتە كرن و ل رۆژا دیڤدا دێ‌ هەڤڕكیێن قارەمانیێ‌ دەستپێكەت ئەوا دێ‌ ل دووڤ سیستەمێ‌ كۆمڤە بوون ب شێوەیی خول ئێك قۆناغ بیت 11 یانە دێ‌ پشكداربن و هەر یانەكێ‌ مافێ‌ هەی 15 یاریزانان پشكداربكەت لێ‌ پشكدارییا یاریزانەكا ل بن 18 سالی دا دێ‌ نەچاری بیت و ناچێبیت چو یاریزانێن پیشەكار ژ دەرڤەیی ئیراقێ‌ پشكداربیت.
ل دووڤ ژێدەرێن باوەرپێكری بۆ رۆژنامەیا ئەڤرۆ دیار كر پشكدارییا تیما ئافرەتێن دهۆك و زاخۆ بۆ قارەمانیێ‌ یا د گۆمانێ‌ دا و دوور نینە ئەو خوە ژ هەڤڕكییان ڤەكێشین.
بۆ زانین ل حەفتییا بۆری ژلایێ‌ لژنەیا فوتسالا ئافرەتان هاتبوو بەلاڤكرن قارەمانی دێ‌ ل ئێك ژ باژێرێن پارێزگەها دهۆكێ‌ هێتە كرن و هەردو یانەیێن ئافرەتێن دهۆك و یانەیا زاخۆ بەرهەڤییا خوە دیار كربوو ژبۆ مێڤانداریكرنێ‌، سەرباری رازیبوونا دەستپێكێ‌ لێ‌ ژ نشكەكێ‌ ڤە ئەڤ بڕیارە هاتە هەلوەشاندن، قارەمانی ژ پارێزگەها دهۆكێ‌ بۆ بەغدا هاتە ڤەگۆهاستن.

کۆمێنتا تە