قانوونا ساخلەمیا گشتی دێ هێتە دەرئێخستن

قانوونا ساخلەمیا گشتی دێ هێتە دەرئێخستن

35

بڕیارە قانوونا ساخلەمیا گشتی بهێتە راستڤەكرن و بۆ ڤێ مەرەمێ ژی وەزارەتا ساخلەمیا هەرێما كوردستانێ مژوولی بەرهەڤكرنا پڕۆژە قانوونەكێ یە و شیرەتكارێ وەزارەتا ساخلەمیێ ژی دبێژیت: پشتی دەركرنا ئەڤێ قانوونێ دێ كەرتێ ساخلەمیێ بەر ب پێشڤە چیت.
دكتۆر عەبدولا سەعید، شیرەتكارێ وەزارەتا ساخلەمیێ بۆ رۆژناما ئەڤرۆ دیار كر، هەتا نوكە سیستەمێ ساخلەمیێ ل هەرێما كوردستانێ ل گورەی قانوونا ساخلەمیا گشتی یا ئیراقێ دهێتە كرن و گۆت: «بڕیارە هەرێما كوردستانێ قانوونەكا دی یا تایبەت ب هەرێما كوردستانێ ڤە ل دۆر ساخلەمیا گشتی دەربكەت، قانوونا ساخلەمیا گشتی ل ئیراقێ بەری سالێن هەشتێیان هاتیە دەركرن و پێدڤی ب گوهۆڕینێ هەیە، هەتا ل گەل سەردەمێ نوكە بهێتە گونجاندن».
دكتۆر عەبدولا سەعید گۆتژی: «قانوونا ساخلەمیا گشتی گرێدایی هەموو كەرتێ ساخلەمیێ‌ یە و پشتی دەركرنا قانوونا تایبەت ب هەرێما كوردستانێ ڤە دێ گوهۆڕین كەڤنە سیستەمێ ساخلەمیێ ل هەرێما كوردستانێ، چونكی دێ كاروبارێن رۆژانە باشتر هێنە ئەنجامدان و خزمەتگوزاریێن ساخلەمیێ دێ بەر ب پێشڤە بەت، ب شێوەیەكێ گشتی ئەم ل گەل دەركرنا قانوونا ساخلەمیا گشتینە بۆ ڤێ چەندێ زێدەتر خزمەتا وەلاتیان بهێتە كرن».

کۆمێنتا تە