قه‌رێن چاندنێ دێ ل هه‌رێمێ هێنه دان
د كونفرانسه‌كێ رۆژنامه‌ڤانی دا وه‌زیرا چاندنێ و ژێده‌رێن ئاڤی یا حوكمه‌تا هه‌رێما كوردستانێ راگه‌هاندن كو رێككه‌فتنه‌كا د ئێك گه‌هشتنێ دناڤبه‌را وه‌زاره‌تا وان و به‌نكا قرتاس یا ئیسلامی دا هاتیه ئیمزاكرن بۆ دانا قه‌را بۆ جوتیارێن هه‌رێمێ.
وه‌زیرا چاندنێ رۆناهی ئێخستنه سه‌ر چه‌واتیا مفا وه‌رگرتنێ ژ ڤان قه‌را، دیاركر كو جوتیار و ده‌رچوویێن به‌شێن چاندنێ و ڤیته‌رنه‌ر دێ ژ ڤان قه‌را مفاداربن. ئه‌و لایه‌نێن ماف هه‌ی داخوازیا وه‌رگرتنا قه‌ری بكه‌ن، دشێن ژ 15 ملیون هه‌تا 100 ملیون دینارا وه‌رگرن كو دێ پاره لدویڤ پرۆژه‌ی هێته ته‌خمینكرن و دان، و ئه‌ڤ قه‌ره دێ د ماوێ پێنج سالان دا هێته ڤه‌گه‌راندن.
