كلیپا (دەنگێ مە بۆ لیستا زەرە) هاتە بەلاڤكرن
دلڤین رەشید:
وەك پشتەڤانی بۆ لیستا (275) یا پارتی دیمۆكراتی كوردستان، بەری چەند رۆژان سترانبێژ (ئەدیب گرێپانی) سترانەكا نوو ب ناڤێ (دەنگێ مە بۆ لیستا زەرە) ب شێوێ ڤیدیۆ كلیپ بەلاڤكر و تێدا داخواز ژ دەنگداران هاتیە كرن كو ل رۆژا یازدەی ڤێ هەیڤێ بچنە بنگەهێن دەنگدانێ و دەنگێ خوە بدە لیستا (275) و بەربژارێن وێ.
سترانبێژێ ناڤهاتی، بۆ رۆژنامەیا ئەڤرۆ گۆت: ئارمانجا من یا سەرەكی ئەوە كو بشێم برێكا ڤێ سترانێ خەلكەكی هانبدەم كو دەنگێ خوە بدە لیستا (275) یا سەرۆك بارزانی و ل رۆژا 11/11 ب حەز و ڤیانەكا مەزن قەستا سەر سندۆقێن دەنگدانێ بكەن و دەنگێ خۆ بدەنە لیستا سەركەفتنا هەرو و هەر كو لیستا 275 یا پارتی دیموكراتی كوردستان ئەو لیستا بویە قەلغانەك ژبۆ پاراستنا مافێ هەموو پێكهاتێن كوردستانێ، بۆ زانین ئەڤ سترانە ژ پەیڤێن (ئەلند مزوری) و ئاوازا (عیماد عەلی) یە و ژلایێ (كێرهات تەحلاڤی) ڤە هاتیە وێنەكرن.
