كۆنسۆلخانا هۆلەندا كار ژ بۆ پێشڤەچوونا كەرتێ‌ چاندنێ‌ ل كوردستانێ‌ دكەت

كۆنسۆلخانا هۆلەندا كار ژ بۆ پێشڤەچوونا كەرتێ‌ چاندنێ‌ ل كوردستانێ‌ دكەت

39

سولین سلێمان:

كونسوڵێ گشتیێ هۆڵندا ل هەرێما كوردستانێ ب هەماهەنگی دگەل وەزارەتا چاندنا حوكمەتا هەرێما كوردستانێ پێكڤە كاردكەن ژ بۆ پێشڤەبرنا كەرتێ چاندنێ‌، بەری چەندەكێ ژی وەزارەتا چاندنا حوكمەتا هەرێما كوردستانێ راگەهاندبوو، ئەو دێ هاریكاریا هەر كۆمپانیایەكێ كەن ئەوێن دخوازن ل كوردستانێ كاربكەن.

رامین خدر، هاریكارێ رێڤەبەرێ ئێك ژ كۆمپانیایێن سەر ب كۆنسۆلخانا هۆڵندایە ل سەر پرۆژەكێ‌ چاندنا كاردكەن ل كوردستانێ بۆ رۆژناما ئەڤرۆ گۆت: ئەڤ كۆمپانیایە ل سالا 2021 ل باژێرێ هەولێرێ هاتیە دامەزراندن ژ بۆ بەرهەمئینانا (مێوان، زەرزەوات، دانەوێلەیێن خوماڵی)، ب رێكا كارئینانا سیستەمێ‌ شێوازێن سەردەمی.
ئاماژەكر؛ ئەڤ پرۆژە ئێكە ژ پرۆژێن هەرە گرنگێن كۆمپانیێ دكەڤیتە قەزا قوشتەپێ سەر ب پارێزگەها هەولێرێ ڤە، ئەو ژی پێك دهێت ژ خانیەكێ پلاستیكی ب رووبەرێ وێ 5000 هزار مەتر دوجایە ژ جۆرێ هایدروپۆنیك.
ئاشكراژی كر، ئەڤ پرۆژە ل سالا 2022 دەستبكاربوویە، ب هەڤبەركرن دگەل وەزارەتا چاندنا حوكمەتا هەرێما كوردستانێ، دیسا ژی ئەڤ پرۆژە رۆژانە نێزیكی ئێك تەن تەماتێن خومالی بەرهەم دئینیت، ب بلنترین كوالێتی بێ كارئینانا مادەیێن زیانبەخش.
خویاژی كر، كۆمپانیێ پلانا درێژخایەن یا هەی ژ بۆ بنیاتنانا خانیێن زێدەتر ب ڤی شێوازی، ژ بۆ زێدەكرنا بەرهەمان و دەسپێكرن ژ بۆ پرۆسا هنارتنا وان ژ بۆ دەرڤەی وەلاتی.
بەری چەندەكێ كۆنسۆڵێ گشتیێ هۆڵندا راگەهاندبوو كۆ دێ هاریكاریا وەزارەتا چاندنا حوكمەتا هەرێما كوردستانێ كەن دا كو پتر بەرەڤ پێشبچیت.

کۆمێنتا تە